বি বৰুৱা মহাবিদ্যালয়ৰ প্ৰবক্তা ৰুবুল হাজৰিকা নিৰুদ্দেশ

গুৱাহাটীৰ বি বৰুৱা মহাবিদ্যালয়ৰ সহকাৰী অধ্যাপক তথা দৰঙৰ হাজৰিকাপাৰা নিবাসী ডঃ ৰুবুল হাজৰিকাৰ নিৰুদ্দেশৰ ঘটনাই জিলাখনত চাঞ্চল্যৰ সৃষ্টি কৰিছে । জানিব পৰামতে, কেইদিনমানৰ  ছুটী লৈ যোৱা ১২ ছেপ্টেম্বৰত নিজগৃহলৈ আহিছিল ৰুবুল হাজৰিকা ।

উক্ত দিনা সন্ধিয়া ৭ বজাত নিজগৃহৰ পৰা প্ৰায় দুই কিলোমিটাৰ নিলগৰ বৰদৌলগুৰি তেলডিপোলৈ নিজৰ এ এছ-০১ ডি ই-৪১৬৬ নম্বৰৰ আই-টেন গাড়ীখনেৰে ওলাই অহাৰ পিছৰে পৰা তেওঁ সন্ধানহীন হৈ পৰে ।

ঘটনা সন্দৰ্ভত পৰিয়ালৰ লোকে ছিপাঝাৰ আৰক্ষী থানাত এজাহাৰ দাখিল কৰি বিচাৰ-খোঁচাৰ কৰিছে যদিও আজি প্ৰায় এসপ্তাহ উকলি যোৱাৰ পিছতো কোনো সন্ধান পোৱা নাই ।

জিন্‌ছ পেণ্ট, টি-শ্বাৰ্ট পৰিহিত শকত মিঠা বৰণীয়া পাঁচ ফুট ওখ ব্যক্তিজনৰ সম্ভেদ পালে পৰিয়ালৰ লোকে ৭০০২২-৭৫৫৩০ আৰু ৭৩৯৯৫-০৫২৯১ নম্বৰত যোগাযোগ কৰিবলৈ অনুৰোধ জনাইছে ।