দৰঙামেলাত কিশোৰীক ধৰ্ষণ

বাক্সা জিলাৰ ভাৰত-ভূটান সীমান্তৰ দৰঙা মেলাত সংঘটিত হৈছে এক ধৰ্ষণ কাণ্ড । ধৰ্ষণ কাণ্ডত জড়িত শশীপুৰ গাওঁৰ লালবাবুৰ পুত্ৰ ফালু অলীক আটক কৰিছ । ঘটনাৰ বিবৰণিত প্ৰকাশ যে যোৱা ১৪ ছেপ্টেম্বৰ শুকুৰবাৰে সন্ধিয়া ফালু আলি নামৰ মাৰুতি ভান এখনৰ ড্ৰাইভাৰ এজনে মাৰুতি ভানখনত ভাড়াতীয়া লৈ দৰঙামেলা আৰক্ষী চকীৰ অন্তৰ্গত পাটকীজুলি অঞ্চললৈ গৈছিল ।  

ভাড়াতীয়া কেইজনক নমাই থৈ আহি থাকোতে ধুৰন্ধৰ ড্ৰাইভাৰ ফালুয়ে পাটকীজুলি অঞ্চলৰ পথত এগৰাকী ১৭ বছৰীয়া কিশোৰীক বাটত লগ পায় আৰু ফুচুলাই ঘৰলৈ নি থৈ আহিম বুলি কৈ কিশোৰীজনীক গাড়ীখনত উঠাই লয় । কিশোৰীজনীক তেনেকৈ গাড়ীত উঠাই বিভিন্ন অঞ্চলত ঘুৰি ফুৰি নিশাৰ ভাগত দৰঙামেলা আৰক্ষী চকীৰ কিছু দূৰৈত থকা দেৱান মাৰ্কেটত কিশোৰীজনীক নমাই থয় ।

কিশোৰীজনী সিদিনা ঘৰলৈ নগৈ দৰঙামেলাত সম্পৰ্কীয় ভিনিহিয়েকৰ ঘৰত থাকে । পিছদিনাখন সন্ধিয়া কিশোৰীগৰাকীয়ে নিজৰ ঘৰলৈ উভতি গৈ ড্ৰাইভাৰজনে তাইক ধৰ্ষণ কৰাৰ ঘটনা সন্দৰ্ভত পৰিয়ালৰ লোকক অৱগত কৰে । কালি ৰাবিবাৰে কিশোৰীগৰাকীৰ পৰিয়ালে দৰঙামেলা আৰক্ষী চকীত এজাহাৰ দাখিল কৰে ।

এজাহাৰ লাভ কৰাৰ লগে লগেই দৰঙামেলা আৰক্ষী চকীৰ ভাৰপ্ৰাপ্ত বিষয়া নায়নমনি দাসৰ নেতৃত্বত যোৱা আৰক্ষীৰ দলে ফালুক  দৰঙামেলা অঞ্চলৰ পৰা আটক কৰে আৰু এ.এছ.০১- ৱাই-৬৮০৭ নম্বৰৰ মাৰুতি ভানখনও জব্দ কৰে । আজি অভিযুক্ত ফালুক বাক্সা জিলাৰ ন্যায়িক দণ্ডাধীশৰ আদালতত হাজিৰ কৰোৱাই জেল হাজতলৈ প্ৰেৰণ কৰিব ।