নগাঁৱত সংশোধনী ভোটাৰ তালিকা সম্পন্ন সভা

নগাঁও  জিলাৰ  উপায়ুক্ত  কাৰ্যালয়ৰ  সভাকক্ষত দেওবাৰে বিশেষ সংক্ষিপ্ত  সংশোধনী  ভোটাৰ  তালিকা  প্ৰকাশ  সম্পৰ্কে   এখনি  গুৰুত্বপূৰ্ণ  সভা  অনুষ্ঠিত  হয় ৷ সভাত  অতিৰিক্ত উপায়ুক্ত  জয়ন্ত  কুমাৰ বৰাই  অংশগ্ৰহণ  কৰি কয় যে  আজি ২০১৯ চনৰ খচৰা  ভোটাৰ তালিকা প্ৰকাশ কৰা হৈছে ৷ এই অনুসৰি ১৬ ছেপ্টেম্বৰৰ পৰা ৩১ অক্টোবৰৰ ভিতৰত ভোটাৰ তালিকা সম্পৰ্কীয় সকলো ধৰণৰ ওজৰ-আপত্তিসমূহ গ্ৰহণ কৰা হ'ব ৷ ৩০ নৱেম্বৰৰ ভিতৰত এই ওজৰ-আপত্তিসমূহ  নিষ্পত্তি কৰা হ'ব আৰু ৪ জানুৱাৰীত সম্পূৰ্ণ ভোটাৰ তালিকা প্ৰকাশ কৰা হ'ব ৷ সভাত নগাঁও জিলাৰ চক্ৰ বিষয়াৰ লগতে বিভিন্ন ৰাজনৈতিক দলৰ প্ৰতিনিধিসকল  উপস্থিত থাকে ৷