"দুলীয়াজান,নাহৰকটীয়া দুয়োটা সমষ্টিত ৰাইজে মোক জয়যুক্ত কৰিব"-লুৰীণজ্যোতি গগৈ

দুলীয়াজান আৰু নাহৰকটীয়া-এই দুয়োটা সমষ্টিৰ ৰাইজে মোক বিপুল ভোটত জয়যুক্ত কৰিব।আজি প্ৰথম পৰ্যায়ৰ নিৰ্বাচনত ভোট দিয়াৰ পিছত এইবুলি আত্মবিশ্বাস প্ৰকাশ কৰে অজাপৰ সভাপতি লুৰীণজ্যোতি গগৈয়ে।অসমত এইবাৰ প্ৰকৃত আঞ্চলিকতাবাদীৰ চৰকাৰ গঠন হ'ব বুলি তেওঁ মন্তব্য কৰে।এইবাৰ পুৱাৰে পৰা নাগৰিকসকলে যথেষ্টসংখ্যকভাৱে ভোট দিবলৈ ওলাই অহা সন্দৰ্ভত গগৈয়ে কয় যে গণতন্ত্ৰৰ ক্ষতি কৰা পক্ষৰ বিৰুদ্ধে মত সাব্যস্ত কৰিবলৈ ৰাইজ ওলাই আহিছে।