ক’ভিড ভেক্‌চিনৰ পাৰ্শ্বক্ৰিয়াত আতংকিত নহ’ব...

আপুনি বিভিন্ন উৎসৰপৰা আহি হাতত পৰা বাতৰিসমূহ পঢ়ি ক’ভিড ভেক্‌চিন লোৱাৰ পিছত হ’ব পৰা সম্ভাৱ্য পাৰ্শ্বক্ৰিয়াৰ কথা ভাবি শংকিত হৈছে নেকি ? তেনেহ’লে এই ক্ষেত্ৰত পূৰ্বৰেপৰা কাম কৰি থকা বিশেষজ্ঞসকলে কি কয় জানো আহক ৷ 

এটা সঠিক ভেক্‌চিনৰ গুণাগুণ হ’ল - ভালদৰে কাম কৰা আৰু নিৰাপদ হোৱাটো ৷ ক’ভিড ভেক্‌চিন যেনে Pfizer-BioNTech ভেক্‌চিন লোৱাৰ পিছতো সৰুসুৰা পাৰ্শ্বক্ৰিয়া যেনে, সামান্য জ্বৰ, বেজী লোৱা ঠাইত পাতলীয়া বিষ, সামান্য মূৰৰ বিষ আৰু গা দুৰ্বল লগা আদি কেতিয়াবা হ’ব পাৰে, যিবোৰ উপসৰ্গ আন কিছুমান বেজী বা ভেক্‌চিন ল’লেও হোৱা দেখা যায়।Ellen F. Foxman নামৰ immunologist এজনে যোৱা শনিবাৰে কৈছে যে এনেধৰণৰ সামান্য পাৰ্শ্বক্ৰিয়া আপোনাৰ দেহত দেখা যদি পাইছে তেনেহ’লে সেয়া শুভলক্ষণ । অৰ্থাৎ এইটোৱে ইয়াকে সূচায় যে ভেক্‌চিনটোৱে আপোনাৰ দেহৰ immune systemটোক সক্ৰিয় কৰি তুলিছে ৷ যিটো নিতান্তই প্ৰয়োজনীয়৷ 

গতিকে শংকিত নহ’ব ৷ সকলোধৰণৰ সম্পৰীক্ষাৰ অন্তত অনুমোদিত ভেক্‌চিনহে আপোনাৰ দেহত প্ৰয়োগ কৰা হ’ব৷