চিৰাঙৰ বিজনীত চোৰাং চিকাৰী আটক

বঙাইগাঁৱৰ প্ৰতিবেদক:

চিৰাং জিলাৰ বিজনীৰ ভাৰত-ভূটান সীমান্তৰ মানাহ ৰাষ্ট্ৰীয় উদ্যানৰ প্ৰথম সংযোজনৰ কুকলুঙত ২৮ আগষ্টত এছএছবিয়ে এটা অভিযান চলায়। এই অভিযানত এজন চোৰাং চিকাৰীক আটক কৰিবলৈ সক্ষম হয় অভিযানকাৰী দলটোয়ে। আটকাধীন চোৰাং চিকাৰীজনৰ নাম ধৰ্মা হাজং(৩২) । এছএছবিৰ দলটোৱে চোৰাং চিকাৰীজনৰ পৰা এটা বন্দুকসহ চিকাৰত ব্যৱহৃত সা-সামগ্ৰী জব্দ কৰে। চিকাৰীজনৰ ঘৰ বিজনীৰ আই লাভ ইউ বজাৰত।

জানিব পৰা মতে ধৰ্মা হাজঙকে ধৰি ৭ জনীয়া চোৰাং চিকাৰীৰ দল এটাই হৰিণ চিকাৰৰ উদ্দেশ্যেৰে কুকলুং বনাঞ্চলত বাহৰ পাতিছিল । কিন্তু এছএছবি দলৰ অভিযানৰ উমান পাই বাকী ৬ জনে পলায়ন কৰিবলৈ সক্ষম হয় ।