অসম আন্দোলনৰ অন্যতম গুৰি ধৰোঁঁতা অকণ মল্ল বৰুৱাৰ বিয়োগত নলবাৰীত শোকৰ ছাঁ

দ্বিজেন ডেকা,ঘগ্ৰাপাৰ:

জাতীয়তাবাদী শিবিৰৰ এগৰাকী আপোচবিহীন নেতাৰ মৃত্যুত শোকৰ ছাঁ। নলবাৰী জিলাৰ বিশিষ্ট সমাজকৰ্মী তথা অসম আন্দোলনৰ গুৰি ধৰোঁঁতা,সদৌ অসম ছাত্ৰ সন্থাৰ মাধ্যম আন্দোলনৰ নেতা,জাতীয়তাবাদী শিবিৰৰ অক্লান্ত যোদ্ধা,গণ সংগ্ৰাম পৰিষদৰ সুদক্ষ নেতা,অসম গণ পৰিষদৰ নলবাৰী জিলা সমিতিৰ বহু বছৰ ধৰি সভাপতিৰ আসন অলংকৃত কৰা সু-অভিনেতা,কৃতী খেলুৱৈ অকণ মল্ল বৰুৱা আৰু নাই৷ ৭৫ বছৰ বয়সত শুকুৰবাৰে শেষ নিশ্বাস ত্যাগ কৰে৷৷বহুদিন ধৰি জটিল ৰোগত আক্ৰান্ত হৈ নিজ বাসগৃহত শুকুৰবাৰেশেষ নিশ্বাস ত্যাগ কৰে ৷মৃত্যুৰ সময়ত পত্নী সহিতে দুগৰাকী পুত্ৰ সন্তানৰ লগতে দুগৰাকী কন্যা ইহ সংসাৰত এৰি থৈ যায়৷সন্ধিয়া প্ৰায় ৮: ৪৫ বজাত শেষ নিশ্বাস ত্যাগ কৰে অকণ মল্ল বৰুৱাই৷ এসময়ত অসম আন্দোলনৰ গুৰি ধৰা নেতাগৰাকীৰ মৃত্যুত সমগ্ৰ নলবাৰী জিলাৰ লগতে জাতীয়তাবাদী শিবিৰত গভীৰ শোকৰ ছাঁ পৰিছে।বৰুৱাৰ মৃত্যুত অগপৰ সভাপতি তথা মন্ত্ৰী অতুল বৰা,মন্ত্ৰী কেশৱ মহন্ত,মন্ত্ৰী ফণীভূষণ চৌধুৰী,বিধায়ক অশোক শৰ্মা,সাংসদ দিলীপ শইকীয়া,অগপ নলবাৰী জিলা সমিতি,যুৱ পৰিষদ,মহিলা পৰিষদ,বিজেপি নলবাৰী জিলা সমিতি,নলবাৰী জিলা ছাত্ৰ সন্থা,অ জা যু পৰিষদ নলবাৰী জিলা সমিতি,অগপ যুৱনেতা দিলীপ কুমাৰ দাস,অগপ নেতা আক্ৰাম হুছেইন আদি কৰি বহুতো ব্যক্তি,দল-সংগঠনে গভীৰ শোক প্ৰকাশ কৰে৷

ইফালে, নেতাগৰাকীৰ গৃহত শনিবাৰে মন্ত্ৰী ফণীভুষণ চৌধুৰী উপস্থিত হৈ শেষ শ্ৰদ্ধা নিবেদন কৰাৰ লগতে অসম পৰ্যটন উন্নয়ন নিগমৰ অধ্যক্ষ জয়ন্ত মল্ল বৰুৱা,ৰাজ‍্যিক বিজেপিৰ কাৰ্যনিৰ্বাহক সদস্য মধুৰাম ডেকাৰ লগতে সদৌ নলবাৰী জিলা ছাত্ৰ সন্থাই শেষ শ্ৰদ্ধাঞ্জলি জ্ঞাপন কৰে।