'ইণ্টাৰনেট চাঞ্চল্য' ৰাণু মণ্ডলক ফ্লেট দিয়াৰ কথা অস্বীকাৰ কৰিলে ছলমান খানে

ইণ্টাৰনেট চাঞ্চল্য কণ্ঠশিল্পী ৰাণু মণ্ডলক লৈ ছ'চিয়েল মিডিয়াত চৰ্চাৰ অন্ত নাই।ৰাণু মণ্ডলে হিমেশ ৰেশমিয়াৰ সংগীত পৰিচালনাত কণ্ঠ নিগৰোৱাৰ পিছতে ছ'চিয়েল মিডিয়াত চৰ্চা হৈছিল যে ছুপাৰষ্টাৰ ছলমান খানে ৰাণু মণ্ডলক এটা ৫৫ লাখ টকীয়া ফ্লেট উপহাৰ হিচাপে দিছে।ছ'চিয়েল মিডিয়াত বহু লোকে ছলমানৰ বদন্যতাৰ হিয়া উজাৰি শলাগো লৈছিল।কিন্তু,ওৰহি গছৰ ওৰ এতিয়াহে ওলাইছে।সোমবাৰে সাংবাদিকৰ প্ৰশ্নৰ উত্তৰত ছলমানে খানে ক'লে যে এইটো মিছা খবৰ।কথাটো ময়ো শুনিছোঁ।যিটো মই কৰা নাই,তাৰ শ্ৰেয় মই কিয় ল'ম?মই এনেকুৱা একো কৰা নাই।এতিয়া,স্বয়ং ছলমান খানে ৰাণু মণ্ডলক ফ্লেট দিয়াৰ কথা অস্বীকাৰ কৰাত প্ৰকৃত তথ্য পোহৰলৈ আহিল।