বঙাইগাঁৱত ড্ৰাগছসহ আটক দুই যুৱক 

বঙাইগাঁওঃ 

বঙাইগাঁও চহৰৰ উত্তৰ বঙাইগাঁও আৰক্ষী পহৰা চকীৰ অন্তৰ্গত গুৰু নানক নগৰত বুধবাৰে সন্ধিয়া ড্ৰাগছসহ দুজন যুৱকক আৰক্ষীয়ে কৰায়ত্ত কৰে ৷ ধৃত যুৱকদ্বয় ক্ৰমে বিজনীৰ কাৱাটিকাৰ ছাহিল মণ্ডল (২৫) আৰু ছাহমেদ আলী (২৪) বুলি জানিব পৰা গৈছে ৷ উল্লেখ্য যে বঙাইগাঁও আৰক্ষীয়ে গোপন সূত্ৰৰ পম খেদি যুৱকদ্বয়ে থকা গুৰুনানক নগৰৰ ভাৰাঘৰত অভিযান চলায়। আৰক্ষীয়ে ড্ৰাগছৰ বেহাৰ লগত জড়িত যুৱকদ্বয়ক উক্ত ঘৰটোৰ পৰা আটক কৰাৰ লগতে ১২ টা ড্ৰাগছ ভৰ্তি কন্টেনাৰ উদ্ধাৰ কৰে ৷ সেইদৰে  উদ্ধাৰ হয় বৃহৎ পৰিমাণৰ খালি কন্টেনাৰ , চাৰিটা মোবাইল হেণ্ডচেট  ,মানিবেগ আদিও ৷ আৰক্ষীয়ে ধৃত ড্ৰাগছ ব্যৱসায়ী দুজনক পিচত উত্তৰ বঙাইগাঁও আৰক্ষী পহৰা চকীলৈ আনি জেৰা অব্যাহত ৰখা বুলি জানিব পৰা গৈছে।