বক্স অফিচত খলকনিৰে তিনিদিনতে কোটি ঘৰত কাঞ্চনজংঘা

নিউজ ডেস্ক:
বক্স অফিচত কাঞ্চনজংঘাৰ অভিলেখ অব্যাহত। মুক্তি পোৱা তৃতীয়তো দিনতে কোটি ঘৰৰ অতিক্ৰম কৰিলে নৱ প্ৰজন্মৰ হাৰ্টথ জুবিন গাৰ্গৰ কাঞ্চনজংঘাই। বক্স অফিচত প্ৰথমটো দিনত ৪০লাখ টকা উপাৰ্জন কৰা পিছত দ্বিতীয় দিনা উপাৰ্জন কৰিছিল ৩৮.৫লাখ। তাৰ পাছত দেওবাৰ ছবিখনে উপাৰ্জন কৰে ৫৯.৫লাখ টকা।

উল্লেখ যে তিনিটা দিনত এতিয়া ছবিখন উপাৰ্জন কৰা ধনৰ পৰিমাণ হ'ল ১কোটি ৩৭লাখ ৬হাজাৰ টকা।
 
ইফালে কোটি ঘৰ অতিক্ৰম কৰাৰ লগে লগে অসমীয়া ছবি জগতৰ ইতিহাসত দ্বিতীতখন ছবি হিচাপে বিবেচিত হ'ল কাঞ্চনজংঘা। ইয়াৰ পূৰ্বে জুবিন গাৰ্গৰে ছবি মিছন চাইনাই ইতিহাস ৰচনা কৰি কোটি ঘৰত প্ৰৱেশ কৰিছিল।আনহাতে বৰ্তমান সময়তো অসমৰ প্ৰায়বিলাক ছবিঘৰতে পূৰ্ণ গতিত চলি আছে কাঞ্চনজংঘা।