মাজুলীত কটকটীয়া নিৰাপত্তা বেষ্টনী, চৰ-চাপৰিক লৈ শংকিত মাজুলী আৰক্ষী

আৰু মাত্ৰ কেইঘণ্টামানৰ পাছতে উলহ-মালহেৰে সমগ্ৰ দেশবাসীয়ে উদ্‌যাপন কৰিব ৭২সংখ্যক স্বাধীনতা দিৱস । মাজুলীবাসীয়েও ব্যাপক উছাহেৰে স্বাধীনতা দিৱস উদ্‌যাপনৰ বাবে অধীৰ অপেক্ষাৰে বাট চাই আছে ৷

ইয়াৰ বাবে ইতিমধ্যে মাজুলী জিলা প্ৰশাসনে ব্যাপক প্ৰস্তুতি চলোৱাৰ লগতে নিৰপত্তাৰ ক্ষেত্ৰতো তীক্ষ্ণ দৃষ্টি ৰাখিছে । আনহাতে, মাজুলীৰ চৰ-চাপৰিসমূহত বিদ্ৰোহী সংগঠনৰ সদস্যই আশ্ৰয় লোৱাৰ আশংকা কৰিছে মাজুলী আৰক্ষীয়ে ।

সেয়ে মাজুলীৰ স্পৰ্শকাতৰ চৰ-চাপৰিসমূহত মাজুলী আৰক্ষীয়ে ব্যাপক তালাচী অভিযান চলাইছে । স্বাধীনতা দিৱসৰ প্ৰাক্‌ক্ষণত যাতে কোনা কূটাঘাত সংঘটিত হ'ব নোৱাৰে  তাৰবাবে মাজুলী আৰক্ষীয়ে প্ৰতিটো পাৰঘাটতে নিশ্চিদ্ৰ নিৰাপত্তা ব্যৱস্থা গঢ়ি তুলিছে বুলি জিলা প্ৰশাসনৰ তৰফৰ পৰা প্ৰকাশ কৰিছে ৷