ধলপুৰত ৭২সংখ্যক স্বাধীনতা দিৱসৰ প্ৰস্তুতি সম্পূৰ্ণ

ৰাজ্যৰ বিভিন্ন প্ৰান্তৰ লগতে ধলপুৰতো ধলপুৰ প্ৰশাসনৰ উদ্যোগত আৰু ধলপুৰ উ: মা: বিদ্যালয়ৰ সহযোগত ৭২সংখ্যক স্বাধীনতা দিৱসৰ কাৰ্যসূচী ৰূপায়ণৰ ব্যাপক প্ৰস্তুতি চলিছে ৷

আজিৰে পৰা দুদিনীয়া কাৰ্যসূচীৰে স্বাধীনতা দিৱস উদ্‌যাপনৰ আয়োজন কৰা হৈছে ৷ স্বাধীনতা দিৱসৰ কাৰ্যসূচী অনুসৰি আজি ধলপুৰ উ: মা: বিদ্যালয়ত চিত্ৰাংকন, কুইজ আৰু ৰচনা প্ৰতিযোগিতা অনুষ্ঠিত হয় ৷

১৫ আগষ্টত পুৱা ৯ বজাত ধলপুৰ উচ্চতৰ মাধ্যমিক বিদ্যালয় খেলপথাৰত ৰাষ্ট্ৰীয় পতাকা উত্তোলন কৰিব ধলপুৰ উঃ মাঃ বিদ্যালয়ৰ অধ্যক্ষ সত্যৰঞ্জন বৰাই ৷

উক্ত অনুষ্ঠানতেই দেশপ্ৰেমমূলক গীত আৰু বাৰেৰহণীয়া কৃষ্টি প্ৰদৰ্শন কৰা হ’ব ৷ আনহাতে, অঞ্চলটোত দুষ্কৃতিকাৰীয়ে যাতে কোনো কূটাঘাতমূলক কাৰ্য সংঘটিত কৰিব নোৱাৰে তাৰবাবে ধলপুৰ আৰক্ষীয়ে ঠায়ে ঠায়ে তালাচী চলোৱাৰ লগতে টহল ব্যৱস্থাও কটকটীয়া কৰি তুলিছে ৷