আজিৰে পৰা চৰাইদেউ মহোৎসৱ

আজিৰে পৰা আৰম্ভ হৈছে দ্বিতীয় চৰাইদেউ মহোৎসৱ-২০১৯৷ চৰাইদেউ জিলা প্ৰশাসনৰ উদ্যোগত অনুষ্ঠিত এই উৎসৱ চৰাইদেউ মৈদাম ক্ষেত্ৰৰ প্ৰাংগণত অহা ৪ জানুৱাৰীলৈকে চলিব৷

আজি পুৱা উদ্‌যাপন সমিতিৰ সভাপতি তথা জিলা উপায়ুক্ত বিবেকানন্দ ফুকনে পতাকা উত্তোলন কৰি মহোৎসৱৰ শুভাৰম্ভ কৰে৷ স্মৃতি তৰ্পণ কৰে সদৌ অসম ছাত্ৰ সন্থাৰ উপ-সভাপতি মাণিক গগৈয়ে৷

উদ্‌যাপন সমিতিৰ কাৰ্যকৰী সভাপতি ধৰ্মেশ্বৰ কোঁৱৰে বৃক্ষৰোপণ কৰে৷ অসম চৰকাৰৰ শক্তি তথা গড়কাপ্তানী বিভাগৰ ৰাজ্যিক মন্ত্ৰী তপন কুমাৰ গগৈয়ে প্ৰদৰ্শনীৰ দ্বাৰ মুকলি কৰে৷

মহোৎসৱৰ খাদ্যমেলা মুকলি কৰে মাহমৰা সমষ্টিৰ বিধায়ক যোগেন মহনে৷