নামৰূপত গণেশ ডান্স একাডেমীৰ উদ্যোগত নৃত্যৰ কৰ্মশালা

নামৰূপৰ পৰা সমীৰণ বৰুৱা

নামৰূপস্থিত অভিজাত আৰু আধুনিক নৃত্য প্ৰশিক্ষণৰ অনুষ্ঠান 'গণেশ ডান্স একাডেমী'ৰ উদ্যোগত আয়োজন কৰা হৈছে এক নৃত্যৰ কৰ্মশালা ৷ অহা ৬ ডিচেম্বৰৰ পৰা ১১ ডিচেম্বৰলৈ ৬দিনীয়া কাৰ্যসূচীৰে অনুষ্ঠিত হ'ব এই নৃত্যৰ কৰ্মশালা ৷

'ডান্স নামৰূপ ডান্স' শীৰ্ষক এই নৃত্য কৰ্মশালাত আৰ্বান ফিল, লিন'য়েল হিপহপ, ফ্ৰী ষ্টাইল, কণ্টেম্প'ৰাৰী, বলীউড আদি বিভিন্ন শৈলীৰ নৃত্যৰ প্ৰশিক্ষণ প্ৰদান কৰা হ'ব ৷

প্ৰদীপ লোহাৰ আৰু জয়ন্তৰ তত্ত্বাৱধানত পৰিচালিত হ'বলগা এই প্ৰশিক্ষণত বিশেষ প্ৰশিক্ষক হিচাপে উপস্থিত থাকিব গৌতমী সোণাৰ ৷ নামৰূপ এছ বি আইৰ সমীপৱৰ্তী অভিযান্ত্ৰিক প্ৰতিষ্ঠানত অনুষ্ঠিত হ'বলগীয়া উক্ত নৃত্য কৰ্মশালাত অংশগ্ৰহণ কৰিব খোজাসকলক ৯৮৫৯৩-২২৭৮৭ আৰু ৮০১১২-৫৫৮৭২ নম্বৰত যোগাযোগ কৰিবলৈ গণেশ ডান্স একাডেমীৰ তৰফৰ পৰা আহ্বান জনাইছে ৷