গহপুৰ অসামৰিক চিকিৎসালয়ত চিকিৎসকৰ উৎভণ্ডালি

গহপুৰ অসামৰিক চিকিৎসালয়ত যোৱা কালি ৰাতি ১০ বজাত অলুপাৰা পঞ্চায়ৰ ২নং ডমনপুৰ নিবাসী জামিন গয়াৰীৰ পত্নী সমিশ্ৰয় গয়াৰীৰ সন্তান প্ৰসৱৰ বাবে গহপুৰ অসামৰিক চিকিসালয়ত ভৰ্তি কৰে । সন্তান জন্ম হোৱাৰ পাছত আজি পুৱা ১০ বজাত তেওঁৰ আত্মীয় তালমূলী গয়াৰী নামৰ এগৰাকী মহিলাই বিশেষ কামৰ বাবে চিকিৎসকৰ ওচৰলৈ যোৱাত চিকিৎসকে গধুৰ সামগ্ৰীৰে প্ৰহাৰ কৰে শিশু চিকিৎসক আব্দোল হানামে । প্ৰহাৰ কৰা মহিলা গৰাকীৰ বয়স আছিল ৪০ বছৰ । উক্ত ঘটনাটোক লৈ গহপুৰ সচেতন মহল আৰু দল-সংগঠনে তীব্ৰ ভাষাৰে গৰিহণা দিছে । 

ফলত উত্তেজিত ৰাইজে বহু সময় ধৰি আবদ্ধ কৰি ৰাখে অভিযুক্ত চিকিৎসকগৰাকীক । পৰিস্থিতি নিয়ন্ত্ৰণ কৰিব বাবে আৰক্ষী মোতায়েন কৰা হৈছে ।