গহপুৰৰ ছয়দুৱাৰ মহাবিদ্যালয়ৰ ছাত্র একতা সভাৰ নিৰ্বাচনত আছুৰ বৃহৎ জয়লাভ 

অসমৰ উত্তৰ পাৰৰ অন্যতম উচ্চ শিক্ষানুষ্ঠান গহপুৰৰ ছয়দুৱাৰ মহাবিদ্যালয়ত কালি অনুষ্ঠিত চলিত বৰ্ষৰ ছাত্র একতা সভাৰ সাধাৰণ নিৰ্বাচন সম্পূৰ্ণ শান্তিপূৰ্ণভাৱে সমাপ্ত হয় । মহাবিদ্যালয়খনৰ শিক্ষাৰ্থীসকলে কালি পুৱাৰে পৰা আনন্দ-উৎসাহৰ মাজেৰে শান্তিপূৰ্ণভাবে অংশগ্ৰহণ কৰা এই নিৰ্বাচনৰ ফলাফল ঘোষণা কৰে নিৰ্বাচনী বিষয়াই । ছাত্ৰ একতা সভাৰ মূল পদ সাধাৰণ সম্পাদকৰ দৰে পদকে ধৰি মুঠ ৭টাকৈ পদত আছু সমৰ্থিত প্ৰাৰ্থী জয় হ’বলৈ সক্ষম হয় ।

মহাবিদ্যালয়খনৰ ২০১৮-২০১৯ বৰ্ষৰ ছাত্র একতা সভাৰ নিৰ্বাচনৰ ফলাফলত বিভিন্ন পদৰ বিপৰীতে বিজয়ী প্ৰাৰ্থীসকল হ'ল- পৱিত্ৰ পাটগিৰি (সভাপতি), দেৱাশিস কটকী (উপ-সভাপতি), বিকাশ বড়ো(সাধাৰণ সম্পাদক), ৰক্তিম বৰগ (সহকাৰী সাধাৰণ সম্পাদক) দীপালী বৰুৱা (আলোচনা), সুদৰ্শনা শৰ্মা (সাহিত্য আৰু বিতৰ্ক), মাধুৰীমা বৰা (কলা আৰু সংস্কৃতি), নিৰন কামান (বহি:ক্ৰীড়া), নৱজিত দাস (আন্ত:ক্ৰীড়া), জ‍্যোতিস্ময় হাজৰিকা (উৎসৱ বিভাগ), পূজা হাজৰিকা (সমাজসেৱা), মাইকেল ৱাৰী (ছাত্র জিৰণি কোঠা), বৰষা দে' (ছাত্ৰী জিৰণি কোঠা) আৰু আব্ৰাহাম নাৰ্জাৰী (শৰীৰ চৰ্চা বিভাগ) ।

উল্লেখযোগ্য যে ১ নৱেম্বৰৰ পৰা চাৰিদিনীয়া কাৰ্যসূচীৰে গৌৰৱোজ্জ্বল সোণালী জয়ন্তী বৰ্ষৰ সামৰণী সমাৰোহ উদযাপনৰ ব‍্যাপক প্ৰস্তুতি অব্যাহত আছে মহাবিদ্যালয়খনত ।