হিজবুলৰ লিংক মেন গ্ৰেপ্তাৰ : লগদ ধনসহ আপত্তিজনক নথি-পত্ৰ উদ্ধাৰ

হোজাই জিলাৰ লংকা আৰক্ষীয়ে বিশেষ সূত্ৰৰ পম খেদি হিজবুলমুজাহিদিন সংগঠনৰ লগত জড়িত থকাৰ সন্দেহত লংকাৰ মাছ বজাৰৰ সমিপৰ এখন গেলামাল দোকান পৰা ছাইদুল আলম (২৫) নামৰ এজন ব্যক্তিক গ্ৰেপ্তাৰ কৰে । ছাইদুলৰ ঘৰ লংকাৰ ৮ নং উদালীত । পিছত ছাইদুলক লংকা আৰক্ষীয়ে পুৱা ভাগত ডৱকালৈ প্ৰেৰণ কৰে।

আনহাতে, উক্ত ঘটনা সন্দৰ্ভত ছাইদুলৰ পিতৃ আৰু মাতৃয়ে মন্তব্য কৰে যে, তেওঁলোকৰ জ্যেষ্ঠ পুত্ৰ হিজবুল মুজাহিদিন সংগঠনত জড়িত নহয় । ছাইদুল সৰুৰ পৰাই পঢ়া-শুনাত অতি চোকা আছিল । মেট্ৰিক আৰু হাই চেকেণ্ডাৰীত প্ৰথম বিভাগত লেটাৰ লৈ পাছ কৰিছিল ।

পিছত ধৰ্মৰ প্ৰতি আকৰ্ষিত হোৱাত পঢা-শুনা বাদ দি নিজকে ধৰ্ম কামতেই নিজক সমৰ্পিত কৰাৰ লগতে লংকা বজাৰ মাছ বজাৰৰ সমিপৰ নিজৰ গেলামাল দোকান চলাই জীৱিকা নিৰ্বাহ কৰি আছিল | আনহাতে আকৌ মাজতে তিনিমাহ ধৰি সন্দানহীন হৈ আছিল ছাইদুল ।

ছাইদুল সন্ধানহীন হৈ থকাৰ সময়ত জন্মুলৈ গৈছিল আৰু জম্মুৰ পৰাই লংকাত থকা মাকলৈ টেলিফোন কৰিছিল। চাৰি-পাঁচ মাহৰ পিছত লংকা নিজ ঘৰত ছাইদুল অহাত শুক্ৰবাৰে লংকা আৰক্ষীয়ে ছাইদুলক আটক কৰে।

লংকা আৰক্ষীয়ে নিশা #হিজবুল #মুজাহিদিনৰ লিংক মেন হিচাপে আটক কৰা ছইদুৰ আলমৰ বাসগ্ৰহত তালাচী অভিযান চলাই ৷ লংকা আৰক্ষীৰ এটা বৃহৎ দলে ছাইদুলৰ উদালী জাৰনী গাঁৱত চলোৱা অভিযানত এটা ম'বাইল আৰু কেইবা হাজাৰ টকা উদ্ধাৰ কৰাৰ লগতে বহু নথি-পত্ৰ জব্দ কৰে বুলি জানিব পৰা গৈছে ৷ ইফালে লংকা আৰক্ষীয়ে অভিযানত কি কি সামগ্ৰী উদ্ধাৰ কৰে প্ৰকাশ কৰাৰ পৰাৰ বিৰত থাকে