১ নৱেম্বৰৰ পৰা অসমত বিদ্যালয়,মহাবিদ্যালয়সমূহ পুনৰ খোলা হ’ব 

শিক্ষামন্ত্ৰী ডঃ হিমন্ত বিশ্ব শৰ্মাই জনাইছে যে অসমৰ বিদ্যালয়, মহাবিদ্যালয়সমূহ ১নৱেম্বৰৰ পৰা পুনৰ খোলা হ’ব ৷ 

কেন্দ্ৰীয় চৰকাৰৰ 'আন্‌লক-৫' ৰ নিয়মাৱলী অনুসৰি দেশৰ শিক্ষা প্ৰতিষ্ঠানসমূহ ১৫ অক্টোবৰৰপৰা খুলিবলৈ অনুমতি দিছিল যদিও অসম চৰকাৰে ৩১অক্টোবৰলৈকে শিক্ষা প্ৰতিষ্ঠানসমূহ বন্ধ ৰখাৰ সিদ্ধান্ত গ্ৰহণ কৰে৷ যদিও বিদ্যালয়সমূহত নৱমৰ পৰা দ্বাদশ শ্ৰেণীলৈকে শিক্ষাদান কাৰ্যসূচী ক’ভিড নিয়মানুসাৰে চলাই থকা হৈছে ৷

বুধবাৰে কেন্দ্ৰীয় চৰকাৰৰ নতুন নিয়মাৱলী অনুসৰি ১৫ অক্টোবৰৰপৰা শিক্ষানুষ্ঠানসমূহ খোলাৰ অনুমতি দিয়ে যদিও সেয়া কেৱল কাৰ্যকৰী হ’ব শিক্ষানুষ্ঠানসমূহৰ মুৰব্বীৰ সৈতে আলোচনা কৰি পৰিস্থিতিৰ প্ৰতি লক্ষ্য ৰাখিহে।শিক্ষাৰ্থীসকলৰ উপস্থিতি বাধ্যতামূলক নহ’ব।