নাহৰফুটুকীৰ আক্ৰমণত মহানগৰীৰ মালীগাঁৱত ৬ বছৰীয়া শিশুৰ মৃত্যু

নিউজ ডেস্ক:
শুকুৰবাৰে গুৱাহাটী মহানগৰীৰ মালীগাঁৱত সংঘটিত হয় এটা হৃদয় বিদাৰক ঘটনা।নাহৰফুটুকীৰ আক্ৰমণত নিহত হয় এটি ৬ বছৰীয়া শিশু।মালীগাঁও আৰক্ষী চকীৰ অন্তৰ্গত আদিংগিৰি পাহাৰত সংঘটিত হয় মৰ্মান্তিক ঘটনাটো।নিহত শিশুটি আদিংগিৰি নিবাসী অজিত ঠাকুৰৰ পুত্ৰ শিৱম কুমাৰ (৬)।আৰক্ষী সূত্ৰই জনোৱা অনুসৰি শুকুৰবাৰে আবেলি সমনীয়াৰ সৈতে শিৱমে ঘৰৰ ওচৰত থকা নিজৰাৰ পাৰত উমলি আছিল।সন্ধিয়া প্ৰায়  ৬ মান বজাত সমনীয়াৰ সৈতে উমলি থকা অৱস্থাতে পিছফালৰ পৰা এটা নাহৰফুটুকীয়ে আক্ৰমণ কৰে। নাহৰফুটুকীৰ আক্ৰমণত শিশুটি গুৰুতৰভাৱে আঘাতপ্ৰাপ্ত হয়।দুৰ্ভগীয়া শিশুটাক নাহৰফুটুকীটোৱে আক্ৰমণ কৰা প্ৰত্যক্ষ কৰি স্থানীয় ৰাইজে চিঞৰ বাখৰ কৰাত নাহৰফুটুকীটোয়ে পলায়ন কৰে।গুৰুতৰভাৱে আঘাতপ্ৰাপ্ত শিশুটিক মালিগাঁৱৰ সঞ্জীৱনী হাস্পতাললৈ পৰিয়ালৰ লোকে লৈ গৈছিল যদিও হাস্পতালত শিশুটিক চিকিৎসকে মৃত বুলি ঘোষণা কৰে।