হাজোৰ বৰদামপুৰত বৃহৎ পৰিমাণৰ গুটখা- ধঁপাত জাতীয় সামগ্ৰী জব্দ কৰিলে আৰক্ষীয়ে 

হাজোৰ পৰা কমলাকান্ত দাস:

ৰাজ্য চৰকাৰৰ নিষেধাজ্ঞা অনুসৰি লকডাউনৰ সময়চোৱাত গুটখা-ধঁপাতজাতীয় নিচাযুক্ত সামগ্ৰীৰ ক্ৰয়-বিক্ৰয় বন্ধ থকাৰ সময়তে দেওবাৰে হাজো আৰক্ষী থানাৰ অন্তৰ্গত বৰদামপুৰত প্ৰায় বিশ হাজাৰ টকা মূল্যৰ গুটখা-ধঁপাতজাতীয় নিচাযুক্ত সামগ্ৰী জব্দ কৰে আৰক্ষীয়ে।আৰক্ষী সূত্ৰে জানিব পৰা মতে দেওবাৰে দিনৰ ভাগত হাজো আৰক্ষীৰ এটি দলে গোপন সূত্ৰৰ পম খেদি বৰদামপুৰৰ মাচুকদাৰ আলীৰ পুত্ৰ মোজ্জাফ্ফৰ আলী আৰু একেখন গাঁঁৱৰে মাউকডাৰ আলীৰ পুত্ৰ বাচুৰুদ্দিন আলীৰ বাসগৃহত অতৰ্কিতে তালাচী চলায় আৰু দুয়োগৰাকীৰ ঘৰত মঁজুত থকা বৃহৎ পৰিমাণৰ চাদা,বিড়ি,বিভিন্ন ব্ৰেণ্ডৰ গুটখা-ধঁপাত জাতীয় সামগ্ৰী জব্দ কৰে।ইফালে,আৰক্ষীৰ আগমনৰ খবৰ পাই দুয়োগৰাকী লোকে পলায়ন কৰে।