মৰিগাঁঁও আবকাৰী বিভাগ আৰু মিকিৰভেটা আৰক্ষীৰ যুটীয়া অভিযান: কপাহেৰাত এশ লিটাৰ চুলাই মদ জব্দ

মৰিগাঁৱৰ পৰা জিতুমণি নাথ

মৰিগাঁও আবকাৰী বিভাগ আৰু মিকিৰভেটা আৰক্ষীৰ যুটীয়া অভিযানত বৃহস্পতিবাৰৰ নিশা কপাহেৰাৰ অঞ্চলৰ পৰা এশ লিটাৰ চুলাই মদ জব্দ কৰাৰ লগতে ৩ জন লোকক গ্ৰেপ্তাৰ কৰি শুকুৰবাৰে জেল হাজোতলৈ প্ৰেৰণ কৰে। মৰিগাঁও জিলা আবকাৰী বিষয়া মুছাৰব হুছেইনৰ পৰা জানিব পৰা মতে বিশেষ সূত্ৰৰ অভিযোগৰ ভিত্তিত মিকিৰভেটা আৰক্ষীৰ সহযোগত উক্ত অভিযানটো চলোৱা হয়।অভিযানকালত চুলাই মদ প্ৰস্তুত আৰু সৰবৰাহ কৰাৰ অভিযোগত নিশাই তিনিজন লোকক গ্ৰেপ্তাৰ কৰি শুকুৰবাৰে মৰিগাঁও আদালতত হাজিৰ কৰোৱাৰ অন্তত আদালতে তিনিওজনকে জেল হাজোতলৈ প্ৰেৰণ কৰে।