স্বেচ্ছাসেৱী সংগঠন বিদ্যাৰোহী সমিতিৰ তিনিদিনীয়া প্ৰশিক্ষণ শিবিৰ সম্পন্ন

লাহৰিঘাটৰ পৰা স্বামীমূল ইছলামৰ প্রতিবেদন :

স্বেচ্ছাসেৱী সংগঠন বিদ্যাৰোহী সমিতিৰ উদ্যোগত আৰু মৰিগাঁও জিলাৰ বুৰাবুৰিৰ ব্যক্তিগত খণ্ডৰ বিদ্যালয় ইকৰা একচিলেঞ্চ একাডেমীৰ সহযোগত ছাত্র ছাত্ৰী সকলৰ মাজত এক তিনিদিনীয়া প্ৰশিক্ষণ শিবিৰৰ আয়োজন কৰে। ছাত্র ছাত্ৰী সকলক যোগ শিক্ষা, কেৰাটে শিক্ষা, দুৰ্যোগ প্ৰতিৰক্ষা, গীত-মাত, নৃত্য-নাটক,ট্ৰেফিক নীতি আদি সন্দৰ্ভত প্ৰশিক্ষণ দিয়াৰ লগতে ছাত্র-ছাত্ৰীক  পুথিগত শিক্ষাৰ উপৰিও শাৰীৰিক, মানসিক,নৈতিক আৰু দেশ সেৱাত ব্ৰতী হোৱাৰ প্ৰশিক্ষণ প্ৰদান কৰে। প্ৰশিক্ষণ প্ৰদান অনুষ্ঠানটোত উপস্থিত থাকে বিদ্যাৰোহী সমিতিৰ মূখ্য আয়ুক্ত ছাব্বিৰ হুছেইন মায়ং থানাৰ ভাৰপ্ৰাপ্ত বিষয়া, ইকৰা এক্সচিলেঞ্চ একাডেমীৰ অধ্যক্ষৰ লগতে বিদ্যাৰোহী সংগঠনৰ বিভিন্ন বিষয়া ববীয়া সকল। অঞ্চলটোৰ সচেতন লোক সকলে সংগঠনটোৰ এনে পদক্ষেপক শলাগ লৈছে।