সাপেখাতীৰ আন্তঃবিদ্যালয় চলন্ত ট্ৰফী : প্ৰফুল্ল চন্দ্ৰ বৰুৱা উচ্চতৰ মাধ্যমিক বিদ্যালয় চুড়ান্ত বিজয়ী

সোণাৰিৰ পৰা ঘন বৰাৰ প্রতিবেদন :

সাপেখাতী আঞ্চলিক ছাত্র সন্থাৰ উদ্যোগত আৰু ৰাইজৰ সহযোগত শ্বহীদ বিমল চন্দ্ৰ গগৈ সোঁৱৰণী আন্তঃবিদ্যালয় চলন্ত ট্ৰফী আৰু প্ৰাইজমণি ফুটবল প্ৰতিযোগিতাখনত প্ৰফুল্ল চন্দ্ৰ বৰুৱা উচ্চতৰ মাধ্যমিক বিদ্যালয়ে চুড়ান্ত বিজয়ীৰ সন্মান লাভ কৰে। প্ৰফুল্ল চন্দ্ৰ বৰুৱা উচ্চতৰ মাধ্যমিক বিদ্যালয় আৰু সাপেখাতী উচ্চতৰ মাধ্যমিক বিদ্যালয়ৰ মাজত অনুষ্ঠিত হোৱা চুড়ান্ত ফুটবল খেলখন উদ্ধোধন কৰে প্ৰাক্তন শিক্ষক ঘনশ্যাম আৰু ডিম্বেশ্বৰ কোঁৱৰে। সোণাৰিৰ লাচিত উচ্চ মাধ্যমিক বিদ্যালয় খেলপথাৰত বুধবাৰে অনুষ্ঠিত হোৱা চুড়ান্ত খেলত প্ৰফুল্ল চন্দ্ৰ বৰুৱা উচ্চতৰ মাধ্যমিক বিদ্যালয়ে সাপেখাতী উচ্চতৰ মাধ্যমিক বিদ্যালয়ক ২-১গলৰ ব্যৱধানত পৰাজিত কৰি বিজয়ী সন্মান লাভ কৰে।