বঙাইগাঁৱত গৰিয়া- মৰিয়া- দেশী জাতীয় পৰিষদৰ অৱস্থান ধৰ্মঘট

বঙাইগাঁওঃ

ৰাষ্ট্ৰীয় নাগৰিকপঞ্জীত বঙাইগাঁও জিলাৰ বাদ পৰা গৰিয়া,মৰিয়া,দেশীকে ধৰি খিলঞ্জীয়াক বিশেষ ব্যৱস্থাৰে অন্তৰ্ভুক্ত কৰাৰ দাবীত সোমবাৰে সদৌ অসম গৰিয়া- মৰিয়া- দেশী জাতীয় পৰিষদৰ বঙাইগাঁও জিলা সমিতিয়ে দুঘন্টীয়া এক অৱস্থান ধৰ্মঘট কাৰ্যসূচী ৰূপায়ণ কৰে ৷ বঙাইগাঁও চহৰৰ পাগলাস্থানস্থিত উৰণীয়া সেতুৰ ওচৰত পুৱা ১১ বজাৰ পৰা দিনৰ ১ বজালৈ ৰূপায়ণ কৰা এই অৱস্থান ধৰ্মঘট কাৰ্যসূচীৰ অন্তত জিলা সমিতিয়ে উপৰোক্ত দাবী সমূহ সন্নিবিষ্ট কৰি বঙাইগাঁও জিলা উপায়ুক্তক এখন স্মাৰক পত্ৰ প্ৰদান কৰে ৷ অৱস্থান ধৰ্মঘট কাৰ্যসূচীত সংগঠনটোৰ জিলা সভাপতি, সাধাৰণ সম্পাদক আদি বিষয়ববীয়া আৰু সদস্যসকলে অংশগ্ৰহণ কৰে ৷