বটদ্ৰৱাত সদৌ অসম বাৰ্তাজীৱী সংঘৰ অন্তৰংগ আলাপ অনুষ্ঠান

নগাঁৱৰ পৰা ঋতু পৰ্ণ শৰ্মা

নগাওঁ জিলা বাৰ্তাজীৱী সংঘৰ উদ্যোগত নগাওঁ চৰকাৰী বালক উচ্চতৰ মাধ্যমিক বিদ্যালয়ত  অনুষ্ঠিত  সদৌ অসম বাৰ্তাজীৱী সংঘৰ ৪৪ সংখ্যক দ্বি-বাৰ্ষিক অধিৱেশনৰ এটা কাৰ্যসূচী অনুসৰি  অসমৰ বিভিন্ন জিলাৰ পৰা অহা প্ৰায় দুই শতাধিক সংবাদসেৱী দেওবাৰে পুৱা উপস্থিত হয় মহাপুৰুষ শ্ৰীমন্ত শংকৰদেৱৰ পৱিত্ৰ জন্মভূমি বটদ্ৰৱা থানত। বটদ্ৰৱাৰ আই খেৰসূঁতি সাংস্কৃতিক মঞ্চত পুৱা প্ৰায় ১০ বজাত বটদ্ৰৱা থান পৰিচালনা সমিতিৰ বিষয়ববীয়াৰ লগত অন্তৰংগ আলাপত মিলিত হয় সংবাদসেৱীসকল।বটদ্ৰৱা প্ৰেছ ক্লাবৰ সাধাৰণ সম্পাদক কন্দৰ্প কুমাৰ কলিতাই আদৰণি জনোৱা  অন্তৰংগ আলাপ অনুষ্ঠানত সঞ্চালনা কৰে অসম বাৰ্তাজীৱী সংঘৰ সভাপতি কেশৱ কলিতাই। অধিৱেশনৰ আদৰণি সমিতিৰ সম্পাদক ভাস্কৰজ্যোতি মেধিয়ে আঁত ধৰা উক্ত অনুষ্ঠানত বটদ্ৰৱা থান পৰিচালনা সমিতিৰ সাধাৰন সম্পাদক ইন্দ্ৰমোহন বৰুৱাই অংশগ্ৰহণ কৰি গণতন্ত্ৰৰ চতুৰ্থ স্তম্ভ সাংবাদিকসকলক উষ্ম আদৰণি  জনোৱাৰ লগতে ধন্যবাদ জ্ঞাপন কৰে। উক্ত অনুষ্ঠানত থান পৰিচালনা সমিতিৰ সাংগঠনিক সম্পাদক প্ৰশান্ত ভড়ালী,বাৰ্তাজীৱী সংঘৰ  সাংগঠনিক সম্পাদক ভাস্কৰ শৰ্মাকে প্ৰমুখ্য কৰি দুই শতাধিক সাংবাদিকে অংশগ্ৰহণ কৰে।