সোণাৰিত সাঁচি খেতি সন্দৰ্ভত বিনামূলীয়া প্ৰশিক্ষণ

সোণাৰিৰ পৰা ঘন বৰাৰ প্রতিবেদন :

চৰাইদেউ জিলাৰ সোণাৰিৰ লংপতিয়া আৰু বেঙেনাবাৰীত সাঁচিখেতি সন্দৰ্ভত দুটাকৈ বিনামূলীয়া প্ৰশিক্ষণ শিবিৰ অনুষ্ঠিত হৈ যায়। লংপতিয়া জুটুলনী প্ৰাথমিক বিদ্যালয়ৰ খেলপথাৰ আৰু বেঙেনাবাৰী নগাজান নামঘৰত অনুষ্ঠিত হয় উক্ত শিবিৰ দুটা।শতাধিক সাঁচি খেতিয়কে অংশগ্ৰহণ কৰা কৰ্মশালাত সমল ব্যক্তি হিচাপে উপস্থিত থাকে বিশিষ্ট বিজ্ঞানী তথা ঔপন্যাসিক ডঃঅনুজ বৰুৱাই। তেওঁ সাঁচি খেতিৰ জৰিয়তে খেতিয়কসকল কেনেদৰে স্বাৱলম্বী হ'ব পাৰে সেই সন্দৰ্ভত খেতিয়কসকলক বিতংকৈ অৱগত কৰে। উল্লেখ যে উজনি অসমৰ সাঁচি খেতিয়ক আৰু ব্যৱসায় সন্থাৰ উদ্যোগত অনুষ্ঠিত হোৱা প্ৰশিক্ষণ শিবিৰত অসম মাধ্যমিক শিক্ষা সংসদৰ অধ্যক্ষ তথা সংগঠনটো সভাপতি  ডঃ দয়ানন্দ বৰগোঁহায়ো উপস্থিত থাকে।