নগাঁৱৰ বেবেজীয়াৰ শংকৰ-মাধৱ চিত্ৰ-হস্তকলা বিদ্যালয়ৰ  দ্বাদশ বাৰ্ষিক সমাৰোহ সম্পন্ন

নগাঁৱৰ পৰা ঋতু পৰ্ণ শৰ্মা : 

নগাঁও জিলাৰ বেবেজীয়াৰ অগ্ৰণী শংকৰ-মাধৱ চিত্ৰ আৰু হস্তকলা বিদ্যালয়ৰ দ্বাদশ বাৰ্ষিক সমাৱৰ্তন সমাৰোহখনি দেওবাৰে দিনজোৰা কাৰ্যসূচীৰে অনুষ্ঠিত হয়। বেবেজীয়া কনক শৰ্মা উচ্চতৰ মাধ্যমিক বিদ্যালয়ত অনুষ্ঠিত  অনুষ্ঠানটি পুৱা বন্তি প্ৰজ্বলনেৰে শুভাৰম্ভ কৰে সভাপতি গণেশ বৰাই। ইয়াৰ পাছতে কেইবাটাও শাখাত ফেন্সী ড্ৰেচ প্ৰদৰ্শন কৰে বিদ্যালয়ৰ ছাত্ৰ-ছাত্ৰীসকলে।  এই কাৰ্যসূচীৰ অন্তত এখনি অসমীয়া সাজ-পাৰ প্ৰতিযোগিতা অনুষ্ঠিত হয় য'ত বিদ্যালয়ৰ ছাত্ৰ- ছাত্ৰীসকলে পৰম্পৰাগত সাজ-পাৰ পৰিধান কৰি গীতৰ তালে তালে ৰেম্পত খোজ দিয়ে । সমাৰোহখনিৰ লগত সংগতি ৰাখি এখনি চিত্ৰ প্ৰদৰ্শনীও অনুষ্ঠিত হয়।
আনহাতে, এই ব্যতিক্ৰমী অনু্ষ্ঠানটিত বিশিষ্ট অতিথিৰূপে নগাঁও সদৰ সমষ্টিৰ বিধায়ক ৰূপক শৰ্মা উপস্থিত থাকি বিদ্যালয়খনে চিত্ৰ-ভাস্কৰ্য দিশত আগবঢ়াই অহা প্ৰভুত অৱদানৰ বাবে বিদ্যালয়ৰ অধ্যক্ষ ধ্ৰুৱজ্যোতি শৰ্মা বৰুৱাৰ শলাগ লয়।

অনুষ্ঠানত স্থানীয় কেইবাগৰাকীও সাংবাদিক, চিত্ৰশিল্পীৰ লগতে অসমৰ জনপ্ৰিয় কণ্ঠশিল্পী গৌৰাংগ ৰাগক বিশেষ সম্বৰ্ধনা জনোৱা হয়।উল্লেখ্য যে, সমাৱৰ্তন অনুষ্ঠানত বিদ্যালয়খনিৰ ৯ গৰাকীকৈ ছাত্ৰ-ছাত্ৰীক আনুষ্ঠানিকভাৱে ডিপ্লমা প্ৰদান কৰা হয়। অনুষ্ঠানটিৰ আঁত ধৰে পেৰিছ কাশ্যপে।লগতে নগাঁও জিলাৰ বিশিষ্ট চিত্ৰশিল্পী প্ৰদীপ মজুমদাৰ দেৱক ,চিত্ৰকৰ্মৰ  বাবে সম্বধনা জনোৱা হয় আৰু  শংকৰ -মাধৱ চিত্ৰকলা বিদ্যালয়ৰ সৰ্বোচ্চ সন্মান ষ্টুডেন্ট অফ দ্যা ইয়েৰ বটাঁ প্ৰদান কৰা হয়।অনুষ্ঠানৰ সামৰণিত এখন হাস্যৰসী নাটক" আমাৰ পঢ়াশালি " প্ৰদৰ্শন কৰে চুৰান্তবৰ্ষৰ ছাত্র-ছাত্ৰী সকলে আৰু তেঁও লোকৰ শিক্ষা অভিজ্ঞতাৰ বিষয়ে সকলোৱে সন্মুখত ব‍ক্তব‍্য দাঙি ধৰে। সভাৰ সামৰণিত অধ‍্যক্ষ ধ্ৰুৱজ্যোতি শৰ্মা বৰুৱাৰ গঠন মূলক সাৰুৱা বক্তব্য প্ৰদান কৰাৰ লগতে সকলো চিত্ৰকলা বিদ্যালয় ছাত্ৰ-ছাত্ৰী সকলৰ হাতত পৰীক্ষাৰ ফলাফলৰ মূল‍্যয়ন পত্ৰ প্ৰদান কৰে ।