ফলাফল ঘোষণালৈ মাজত এটা দিন থকা অৱস্থাত আজি দিল্লীত 'এনডিএ'ৰ নৈশভোজ 

দেশৰ সপ্তদশ লোকসভাৰ নিৰ্বাচনৰ ফলাফললৈ মাজত মাত্ৰ এটা দিন থকাৰ সময়তে আজি 'এনডিএ'ই আয়োজন কৰিছে নৈশ ভোজৰ।বিজেপিৰ ৰাষ্টীয় সভাপতি অমিত শ্বাহে আয়োজন কৰা এই নৈশভোজলৈ ইতিমধ্যে নিমন্ত্ৰণ জনোৱা হৈছে এনডিএৰ সহযোগী দলসমূহৰ শীর্ষ নেতৃত্বক। ইয়াৰ উপৰিও প্ৰধানমন্ত্ৰী নৰেন্দ্ৰ মোডীৰ মন্ত্ৰীসভাৰ সকলো সদস্যক নিমন্ত্ৰণ জনোৱা হৈছে এই নৈশ ভোজলৈ ।

ইফালে নৈশ ভোজৰ প্ৰাকমুহূৰ্তত বিজেপিৰ মুখ্য কাৰ্যালয়ত পৰৱৰ্তী চৰকাৰ গঠন সন্দৰ্ভত এনডিএৰ সহযোগী দলসমূহৰ লগত আলোচনাত মিলিত হ'ব বিজেপি নেতৃত্ব।উক্ত বৈঠকত উপস্থিত থাকিব প্ৰধানমন্ত্ৰী নৰেন্দ্ৰ মোডীও।