দিখৌমুখত ভয়ঙ্কৰ অগ্নিকাণ্ড , জাহ গ'ল কেইবাটাও পশুধনৰ লগতে ৩৫ কুইণ্টল ধান 

গৌৰীসাগৰৰ দিখৌমুখত আজি পুৱতি নিশা এক ভয়ঙ্কৰ অগ্নিকাণ্ড সংঘঠিত হয় । গৌৰীসাগৰ থানাৰ অন্তগত দিখৌমুখ মগলৌ গাঁৱৰ কমল ভঁৰালী নামৰ লোকজনৰ ঘৰৰ গোহালিত প্ৰায় দুই মান বজাত সংঘটিত হোৱা অগ্নিকাণ্ডৰ ফলত চাৰিটাকৈ গো ধন , ছয়টা  ছাগলী ,কেইবাটাও হাঁহ আৰু গোহালিৰ লগতে সংলগ্ন ভঁৰাল ঘৰত থকা ৩৫ কুইন্টল ধান জুইত জাহ যায় । 

চুবুৰিয়াই কমল ভৰালীৰ ঘৰত জুই লগাৰ সম্ভেদ পাই অগ্নি নিৰ্বাপক বাহিনীক খবৰ দিয়াত স্থানীয় ৰাইজৰ সহযোগত জুই নুমুৱাবলৈ সক্ষম হয়। কি কাৰণত অগ্নিকাণ্ড সংঘটিত হ'ল বৰ্তমানলৈ জানিব পৰা হোৱা নাই ।