নিজ উদালীত ভোটগ্ৰহণৰ পিছত হিংসাত্মক ঘটনা

লংকাৰ পৰা মনোজ কুমাৰ পাঠক

দ্বিতীয় পৰ্য্যায়ৰ ভোটগ্ৰহণ প্ৰক্ৰিয়া সমাপ্ত  নৌহৌওতেই  ৰাজনৈতিক হিংসাত্মক ঘটনা সংঘটিত হয়।লামডিং সমষ্টিৰ অন্তৰ্গত নিজ উদালী প্ৰাথমিক বিদ্যালয় ১৭৪ নং কেন্দ্ৰত দিনৰ ভাগত  তৰ্ক-বিতৰ্ক কংগ্ৰেছৰ সমৰ্থক মজিবুৰ ৰহমান ওৰফে লালা আৰু  ভাৰতীয় জনতা পাৰ্টীৰ প'লিং এজেন্ট মিনাজ উদ্দিন লস্কৰৰ মাজত। জাল ভোট দিয়াক লৈ মজিবুৰ ৰহমানে  লগত কিছু লোকক লৈ মাৰ- পিট কৰে মিনহাজ উদ্দিনক। ভোটগ্ৰহণ শেষ হোৱাৰ পিছত মিনহাজক প্ৰহাৰ কৰে।এই প্ৰহাৰত মিনহাজ অচেতন হয়।ঘটনাস্থলীৰ পৰা আৰক্ষীয়ে তেওঁক উদ্ধাৰ কৰি লংকা প্ৰাথমিক চিকিৎসালয়লৈ প্ৰেৰণ কৰে । পিছত  উন্নত চিকিৎসাৰ বাবে নগাঁও অসামৰিক চিকিৎসালয়লৈ প্ৰেৰণ কৰা হয়।