হাগ্ৰামা পৰাজয়ৰ শংকাত ভোগা বুলি কোনে ক'লে ?

গোসাঁইগাঁৱৰ পৰা ৰফিকুল ইছলামৰ প্ৰতিবেদন :

গোসাঁইগাঁও মহকুমাৰ চৌতাৰা ঘোঁৰামাৰা খেল পথাৰত আজি বিয়লি বিটিচিৰ শাসক দল বিপিএফ দলৰ বিৰোধী ইউপিপিএলৰ এখন নিৰ্বাচনী সভা অনুষ্ঠিত হয়।এবছু,এন ডি এফ বি(প্ৰ) আৰু এ আই ইউ ডি এফৰ সমৰ্থিত প্ৰাৰ্থী উৰখাওঁ গৌৰা ব্ৰহ্মৰ হৈ নিৰ্বাচনী প্ৰচাৰ চলাই এবছুৰ সভাপতি প্ৰমোদ বড়ো। সভাখনত প্ৰাৰ্থী উৰখাওঁ গৌৰা ব্ৰহ্মৰ লগতে এবছুৰ কেন্দ্ৰীয় নেতৃবর্গ উপস্থিত থাকে।

পাঁচ সহস্ৰাধিক ৰাইজৰ উপস্থিতত প্ৰমোদ বড়োৱে নিজৰ ভাষণত বিপিএফ দলে এইবাৰ জয়ী হ'ব নোৱাৰে বুলি প্ৰকাশ কৰে। আতংকত ভুগিছে কাৰণে বিটিচিৰ প্ৰধান হাগ্ৰামা মহিলাৰী বিভিন্ন সময়ত বিভিন্ন কথা বলকি আহিছে। বিপিএফ দলৰ মিছা কথাত ৰাইজে ভোট নিদিয়ে। 

আনহাতে, অবড়ো সুৰক্ষা সমিতিৰ সাংসদ নৱ শৰণীয়াক লক্ষ্য কৰি কয় যে  শৰণীয়াই বিগত পাঁচ বছৰত কোকৰাঝাৰ লোকসভা সমষ্টিৰ কোনো উন্নতি কৰা নাই। উন্নয়ন নকৰাত ৰাইজে তেওঁৰ ওপৰত আস্থা হেৰুৱাই অন্য চিন্তা কৰিছে। লোকসভা নিৰ্বাচনত ইউ পি পি দলৰ প্ৰাৰ্থী বিপুল ভোটত জয়ী হোৱাটো নিশ্চিত। ৰাইজে বিপুল আদৰণি জনোৱাত দিনকদিনে দলটোৰ ভেটি মজুত হৈ আহিছে।