কলিয়াবৰত ভোটাৰক বিলাবলৈ নিয়া মদ আৰু নগদ ধন জব্দ

কলিয়াবৰৰ পৰা প্ৰদীপ লস্কৰ

নিৰ্বাচনৰ দিন চমু চাপি অহাৰ লগে লগে ৰাজনৈতিক দল আৰু প্ৰাৰ্থীসকলে ভোটাৰ ৰাইজক আকৰ্ষিত কৰিবৰ বাবে মদ আৰু ধন বিতৰণৰ দৰে অসৎ উপায় অৱলম্বন কৰা পৰিলক্ষিত হৈছে। 

আজি মন্ত্ৰী কেশৱ মহন্তৰ ভাতৃ কানু মহন্তৰ আমনিত থকা মদৰ দোকানৰ পৰা মদ আৰু ১ লাখ ৫২ হাজাৰ টকা ভোটাৰৰ মাজত বিলাবলৈ নিওতে কলিয়াবৰৰ ফ্লায়িং স্কোৱাডৰ দলে জব্দ কৰে বাহনসহ মদ আৰু নগদ ধন। জব্দ কৰা বাহনখনৰ নম্বৰ  AS 01A-E 8836।

মদ আৰু বিলাতী সুৰা বিলাবলৈ যোৱা আন এজন যুৱকে নিজৰ বাইকখন এৰি পলায়ন কৰে। বাইকখনো সম্প্ৰতি শালনা আৰক্ষী ৰ জিন্মাত। ঘটনা সন্দৰ্ভত দুজন যুৱকক শালনা আৰক্ষীয়ে আটক কৰি জেৰা অব্যাহত ৰাখিছে।