বিশ্বনাথত উত্তৰ-পূব ভাৰত মাণ্ডলিক টাইকোৱানডোৰ সামৰণি

 বিশ্বনাথৰ জৱাহৰ নৱোদয় বিদ্যালয়ত অনুষ্ঠিত উত্তৰ-পূব ভাৰত মাণ্ডলিক টাইকোৱানডো প্ৰতিযোগিতাৰ শনিবাৰে সামৰণি পৰে ।  যোৱা ১ জুলাইৰ পৰা অনুষ্ঠিত হোৱা এই প্ৰতিযোগিতাত শ্বিলং মণ্ডলৰ মুঠ ১১খন জৱাহৰ নবোদয় বিদ্যালয়ৰ ৯৫গৰাকী প্ৰতিযোগীয়ে অংশগ্ৰহণ কৰে । ল'ৰা আৰু ছোৱালী দুয়োটা শাখাতে অনুষ্ঠিত এই প্ৰতিযোগিতাখন উদ্বোধন কৰে বিশ্বনাথ জিলা টাইকোৱানডো সন্থাৰ সম্পাদক দিব্যজ্যোতি বৰুৱাই ৷

খেলখন সুচাৰুৰূপে পৰিচালনা কৰাৰ ক্ষেত্ৰত সম্পূৰ্ণৰূপে সহায়-সহযোগিতা কৰে বিশ্বনাথ জিলা টাইকোৱানডো সন্থাৰ সম্পাদক তথা চেম্পিয়নছ মেকাৰ একাডেমীৰ সঞ্চালক হৃদয়ানন্দ দাসে ৷ ইফালে বিশ্বনাথ নৱোদয় বিদ্যালয়ৰ অধ্যক্ষ্ কে এম শশীয়ে জানিবলৈ দিয়ে যে অহা অক্টোবৰৰ ২৫, ২৬ আৰু ২৭ তাৰিখত অনুষ্ঠিত হ'বলগীয়া নৱোদয় ৰাষ্ট্ৰীয় টাইকোৱানডো প্ৰতিযোগিতাখনি বিশ্বনাথ জিলাৰ নৱোদয় বিদ্যালয়ত অনুষ্ঠিত হ'ব ৷