৫ আগষ্টত নাগ্ৰীজুলিত কৰ্মচাৰী পৰিষদৰ পূৰ্ণাঙ্গ অধিবেশন

অহা ৫ আগষ্টত বাক্সা জিলাৰ নাগ্ৰীজুলিস্থিত নাগ্ৰীজুলি উচ্চ মাধ্যমিক আৰু মধ্য ইংৰাজী বিদ্যালয় প্ৰাঙ্গণত তামুলপুৰ জিলা কৰ্মচাৰী পৰিষদৰ পঞ্চম দ্বি-বাৰ্ষিক পূৰ্ণাঙ্গ অধিবেশন অনুষ্ঠিত হ'ব । নাগ্ৰীজুলি আঞ্চলিক কৰ্মচাৰী পৰিষদৰ উদ্যোগত অনুষ্ঠিতব্য এই অধিবেশনৰ কাৰ্যসূচী অনুসৰি ৫ আগষ্টৰ পুৱা ৮ বজাত খাটৰবাৰী ৰাজ্যিক চিকিৎসালয়ৰ চিকিৎসা বিষয়া ডাঃ মনোহৰ দাসে উদ্বোধন কৰিব পৰিবেশ নিকাকৰণ কাৰ্যসূচীধ ৷ ৮-৩০ বজাত পতাকা উত্তোলন কৰিব তামুলপুৰ জিলা কৰ্মচাৰী পৰিষদৰ সভাপতি মৃণাল দাসে ৷

৯-০০ বজাত তামুলপুৰ জিলা কৰ্মচাৰী পৰিষদৰ উপসভাপতি জীৱন চৌধুৰীয়ে স্মৃতি তৰ্পণ কৰিব আৰু ৯-৩০ বজাত অঞ্চলটোৰ বিশিষ্ট ব্যক্তিসকলৰ দ্বাৰা বৃক্ষ ৰোপণ কাৰ্যসূচী সম্পন্ন কৰা হ'ব । ১০-৩০ বজাত নাগ্ৰীজুলি উচ্চ মাধ্যমিক বিদ্যালয়ৰ প্ৰধান শিক্ষক ভক্ত বাহাদুৰ ছেত্ৰীয়ে উদ্বোধন কৰিব প্ৰতিনিধি আৰু বিষয় বাছনি সভা । দিনৰ ১২-৩০ বজাত তামুলপুৰ জিলা কৰ্মচাৰী পৰিষদৰ সভাপতি মৃণাল দাসৰ সভাপতিত্বত অনুষ্ঠিতব্য মুকলি সভা উদ্বোধন কৰিব তামুলপুৰ মহকুমাৰ মহকুমাধিপতি সুজিত বাগলাৰীয়ে ৷

বন্তি প্ৰজ্জ্বালন কৰিব সদৌ অসম কৰ্মচাৰী পৰিষদৰ উপদেষ্টা কন্দৰ্প ডেকাই । সভাত মুখ্য অতিথি হিচাপে সদৌ অসম কৰ্মচাৰী পৰিষদৰ সভাপতি বাসৱ চন্দ্ৰ কলিতা, নিৰ্দিষ্ট বক্তা হিচাপে সদৌ অসম কৰ্মচাৰী পৰিষদৰ সম্পাদক প্ৰধান ফকৰুদ্দিন আহমেদ আৰু সম্মানীয় অতিথি হিচাপে ভালেকেইগৰাকী বিশিষ্ট ব্যক্তি উপস্থিত থাকিব ।