কলিয়াবৰত গৌৰৱ গগৈৰ লোকসভা নিৰ্বাচনৰ ৰণশিঙা

কলিয়াবৰ লোকসভা সমষ্টিৰ অন্তৰ্গত ধিং সমষ্টিত সাংসদ গৌৰৱ গগৈয়ে প্ৰদেশ কংগ্ৰেছ কমিটীৰ সাধাৰণ সম্পাদক আনোৱাৰ হুছেইনক লগত লৈ বজালে লোকসভা নিৰ্বাচনৰ ৰণশিঙা। দহটা বিধানসভা সমষ্টিৰে গঠিত ১১নং কলিয়াবৰ লোকসভা সমষ্টিটো পুনৰ নিজৰ দখললৈ অনাৰ বাবে শ্ৰেষ্ঠ সাংসদ বঁটা প্ৰাপক গৌৰৱ গগৈয়ে কঁকালত টঙালি বান্ধিছে।

দেওবাৰে ধিং সমষ্টি এলেকাৰ দাঁতিয়ালবড়ী লোচনাবড়ী বেছামাৰী অঞ্চলত কেইবাখনো নিৰ্বাচনী সভা অনুষ্ঠিত কৰি দিনজোৰা কাৰ্যসূচীৰে প্ৰচাৰ অভিযান চলায়। এই প্ৰচাৰ অভিযানৰ নেতৃত্ব দিয়ে প্ৰদেশ কংগ্ৰেছ কমিটীৰ সাধাৰণ সম্পাদক তথা বিগত নিৰ্বাচনত প্ৰতিদ্বন্দিতা কৰা যুৱনেতা আনোৱাৰ হুছেইনে।