নগৰবেৰাৰ টুপামাৰীত ভয়ংকৰ অগ্নিকাণ্ড

নগৰবেৰাৰ পৰা আব্দুল ৰছিদ
নগৰবেৰাৰ টুপামাৰীত আজি সংঘটিত হয় এক ভয়ংকৰ অগ্নিকাণ্ডৰ ঘটনা। নিমিষতে জ্বলি ছাই হয় তিনিটা পৰিয়ালৰ চাৰিটাকৈ বাসগৃহ। প্ৰথমে টুপামাৰী গাঁৱৰ নুৰুল ইছলামৰ ঘৰত এই অগ্নিকাণ্ডৰ সূত্ৰপাত হয় তাৰ পাছত এই জুই বিয়পি পৰে ৰচুল পৰমানিক আৰু ইছৱ আলীৰ বাসগৃহত।

নিমিষতে জ্বলি ছাই হয় তিনিটা পৰিয়ালৰ চাৰিটাকৈ বাসগৃহ। লগতে জ্বলি ছাই হয় আচবাব আৰু বহু গুৰুত্বপূৰ্ণ নথি-পত্ৰ। এই অগ্নিকাণ্ডত প্ৰায় ১০ লক্ষাধিক টকাৰ সা-সম্পত্তিৰ ক্ষতিসাধন হয়। অৱশেষত স্থানীয় ৰাইজ আৰু টুপামাৰী চিআইএছএফ কেম্পৰ জোৱানসকলৰ তৎপৰতাত জুই নিৰ্বাপন হয়। এই অগ্নিকাণ্ডৰ প্ৰকৃত কাৰণ জানিব পৰা হোৱা নাই। 

উল্লেখ্য যে, প্ৰায়ে টুপামাৰী অঞ্চলত অগ্নিকাণ্ডৰ ঘটনা সংঘটিত হয় যদিও উক্ত অঞ্চলটোত নাই এখনো অগ্নিনিৰ্বাপন কেন্দ্ৰ। সেয়ে অচিৰেই টুপামাৰী অঞ্চলত এখন অগ্নিনিৰ্বাপন কেন্দ্ৰ স্থাপনৰ দাবী জনাইছে ৰাইজে।