নাহৰকটীয়াত চুলাই মদ বিচাৰি অভিযান 

নাহৰকটীয়াৰ পৰা সমীৰণ বৰুৱা 
নাহৰকটীয়া চাহ বাগিছাৰ বহবাৰি লাইনত আজি নাহৰকটীয়া আৰক্ষী থানাৰ সহকাৰী উপ-পৰিদৰ্শক প্ৰদীপ গগৈৰ নেতৃত্বত আৰক্ষী আৰু অৰ্ধসামৰিক বাহিনীৰ এটা বৃহৎ দলে ঘৰে ঘৰে তালাচী চলাই উদ্ধাৰ কৰিলে প্ৰায় ১৫০ লিটাৰ চুলাই মদ৷ লগতে উদ্ধাৰ হ’ল বহুকেইটা চুলাই ঘাটি৷

ঘাটিবোৰ উৎখাত কৰাৰ লগতে চুলাই বনোৱা সা-সৰঞ্জাম জব্দ কৰে ৷ পিছত আৰক্ষীয়ে এই অবৈধ চুলাই মদখিনি নলাত ধালি নষ্ট কৰি পেলায়৷ উল্লেখযোগ্য যে বহুদিনৰ পৰা চলি থকা এই অবৈধ চুলাই মদৰ বেহা আজি নাহৰকটীয়া আৰক্ষীয়ে ধংস কৰিবলৈ সক্ষম হয়৷