গহপুৰত সদৌ অসম ছাত্ৰ সন্থাৰ ১০ ঘন্টীয়া অনশন 

'নাগৰিক সংশোধনী বিধেয়ক- ২০১৬' বাতিলৰ দাবীত আজি গহপুৰ আঞ্চলিক ছাত্র সন্থাই 'আছু' আৰু ৩০ জনগোষ্ঠীয় সংগঠনৰ আহ্বান মৰ্মে গহপুৰ চহৰৰ মাজমজিয়াত ১০ ঘন্টীয়া অনশন কাৰ্যসূচী পালন কৰিছে। পুৱা ৬ বজাৰ পৰা আৰম্ভ হোৱা এই অনশন কাৰ্যসূচী আবেলি ৪ টা বজালৈ চলিব।

এই কাৰ্যসূচীত আছুকে ধৰি ৩০ টা সংগঠনৰ প্ৰতিনিধিয়ে অংশগ্ৰহণ কৰিছে। গহপুৰ মহকুমাৰ সকলো আঞ্চলিক আছু শাখাই পৃথকে পৃথকে অনশন কাৰ্যসূচী ৰূপায়ণ কৰিছে।