ছয়দুৱাৰ মহাবিদ্যালয়ৰ মহাবিদ্যালয় সপ্তাহ উপলক্ষে গহপুৰত বৰ্ণাঢ্য সাংস্কৃতিক শোভাযাত্ৰা

অসমৰ উত্তৰ পাৰৰ অন্যতম উচ্চ শিক্ষানুষ্ঠান গহপুৰৰ ছয়দুৱাৰ মহাবিদ্যালয়। ছয়দুৱাৰ মহাবিদ্যালয়ৰ মহাবিদ্যালয় সপ্তাহ উপলক্ষে আজি মহাবিদ্যালয়খনৰ পৰা গহপুৰৰ মাজমজিয়াৰে বৰ্ণিল সাংস্কৃতিক শোভাযাত্ৰা উলিয়ায় মহাবিদ্যালয়ৰ ছাত্ৰ-ছাত্ৰীসকলে।

এই শোভাযাত্ৰাত বহুসংখ্যক ছাত্ৰ-ছাত্ৰীয়ে অংশগ্ৰহণ কৰাৰ লগতে বিভিন্ন ধৰণৰ ভাষা-ভাষীৰ সংস্কৃতিৰ এক সংমিশ্ৰণ যে বৃহৎ অসমীয়া জাতি, তাক প্ৰতিফলিত কৰা দেখা যায়।

মহাবিদ্যালয় সপ্তাহৰ লগত সংগতি ৰাখি উলিওৱা সাংস্কৃতিক শোভাযাত্ৰাত জিলিকি উঠে সাংস্কৃতিক দিশত চহকী অসমৰ বৰ্ণাঢ্য কৃষ্টি-সংস্কৃতিৰ অপূৰ্ব সমাহাৰ৷