অষ্ট্ৰেলিয়াৰ মাটিত এদিনীয়া শৃংখলাও জয় কৰি টীম ইণ্ডিয়াৰ চমক

অষ্ট্ৰেলিয়াৰ মাটিত টেষ্ট শৃংখলা দখলৰ পিছত এদিনীয়া মেচৰ শৃংখলাও দখল কৰি অবিস্মৰণীয় ইতিহাস ৰচিলে টীম ইণ্ডিয়াই । আজি অনুষ্ঠিত তৃতীয় তথা অন্তিমখন এদিনীয়াত বিজয় সাব্যস্ত কৰি টীম ইণ্ডিয়াই ২-১ ব্যৱধানত এদিনীয়া শৃংখলা দখল কৰে ‌। অষ্ট্ৰেলিয়াৰ মাটিত অষ্ট্ৰেলিয়াৰ বিৰুদ্ধে খেলি একেলগে টেষ্ট আৰু এদিনীয়া শৃংখলা দখল কৰা টীম ইণ্ডিয়াই হৈছে বিশ্বৰ একমাত্ৰ ক্ৰিকেট দল । উল্লেখযোগ্য যে, ২০১৬ বৰ্ষত অষ্ট্ৰেলিয়াত টি-২০ শৃংখলা জয় কৰি ক্ৰিকেট বিশ্বৰ দৃষ্টি আকৰ্ষণ কৰিছিল ভাৰতৰ ক্ৰিকেট তাৰকাসকলে।