বিধায়ক মৃণাল শইকীয়াৰ প্ৰতিকৃতি দাহ 

সদৌ টাই আহোম ছাত্ৰ সন্থা, চমুকৈ আটাছুৰ গোলাঘাট জিলাৰ পুলিবৰ আঞ্চলিক সমিতিয়ে বৃহস্পতি বাৰে পুলিবৰ তিনি আলিত খুমটাই সমষ্টিৰ বিধায়ক মৃণাল শইকীয়াৰ প্ৰতিকৃতি দাহ কৰে । বিধায়কগৰাকীয়ে ছয় জনগোষ্ঠীৰ বিষয়ে উপলুঙাসূচক মন্তব্য কৰাৰ প্ৰতিবাদত আটাছুৱে এই কাৰ্যসূচী ৰূপায়ণ কৰে । আৰু লগতে সংগঠনটোৱে মন্তব্য কৰে যে মৃণাল শ‍ইকীয়াই ছয় জনগোষ্ঠীৰ চিন্তা কৰাৰ সলনি নিজ সমষ্টিৰ উন্নয়ন কথাহে চিন্তা কৰক ।

ভৱিষ্যতে আহোম তথা ছয় জনগোষ্ঠীৰ বিষয়ে বিতৰ্কিত মন্তব্যও নকৰিবলৈও বিধায়কগৰাকীক সকীয়াই দিয়ে প্ৰতিবাদকাৰীয়ে । এই প্ৰতিবাদী কাৰ্যসূচীত উপস্থিত থাকে আটাছু গোলাঘাট জিলা সমিতিৰ যুটীয়া সম্পাদক গৌতম লাহন , জিলা মুখ্য সাংগঠনিক সম্পাদক পাৰ্থ প্ৰতিম কোঁৱৰ, পুলিবৰ আঞ্চলিক সমিতিৰ সভাপতি অজয় ফুকন, যুটীয়া সম্পাদক উজ্জ্বল গগৈ , অংকুৰ কোঁৱৰ ,সহ: সম্পাদক হেমন্ত শইকীয়া আৰু অৰ্দ্ধ শতাধিক আটাছু কৰ্মী ।