আই পি এলৰ সৰ্বকনিষ্ঠ কোটিপতি প্ৰয়াস বৰ্মন

কিশোৰজনৰ নাম প্ৰয়াস ৰয় বৰ্মন । বয়স ১৬ বছৰ । উচ্চতা ৬ ফুট ১ ইঞ্চি । ক্ৰিকেট বিশ্বত সম্প্ৰতি বহুলভাৱে চৰ্চিত নামসমূহৰ অন্যতম এই প্ৰয়াস বৰ্মন । কাৰণ, শেহতীয়াকৈ সম্পন্ন হোৱা আই পি এলৰ নিলামত সৰ্বকনিষ্ঠ কোটিপতিৰূপে চিহ্নিত হৈছে পশ্চিম বংগৰ উদীয়মান ক্ৰিকেটাৰ গৰাকী ।

 
ৰয়েল চেলেঞ্জাৰ্ছ বেংগালুৰু দলে প্ৰয়াসক ১.৫ কোটি টকাত ক্ৰয় কৰে । লক্ষণীয়ভাৱে প্ৰয়াসৰ পেছাদাৰী ক্ৰিকেটত অভিষেক ঘটিছিল ছেপ্টেম্বৰ মাহত । বলিঙত পাৰ্গত কিশোৰগৰাকী নিৰ্ভৰযোগ্য বেটছমেনৰূপেও পৰিচিত । বিজয় হাজাৰে টুৰ্ণামেণ্টত লেগ স্পীনাৰগৰাকীয়ে ১১ টা উইকেট দখল কৰাৰ উপৰি ৯ টা কেচ ধৰিছিল । তেতিয়াৰেপৰাই বহুতৰ দৃষ্টি প্ৰয়াসৰ ওপৰত নিবদ্ধ হয় ।