গোলাঘাট জিলা কাৰাগাৰৰ কয়দীৰ মৃত্যু

গোলাঘাটৰ পৰা মীনাক্ষী ফুকন

১১ বছৰ পূৰ্বে গোলাঘাটৰ বগৰীজেং জিলা কাৰাগাৰত এটা হত্যাকাণ্ডত আদালতৰ ৰায়দানত যাৱজ্জীৱন কাৰাবাস খটা এজন কয়দীৰ আজি আকস্মিকভাৱে মৃত্যু হয় ।

জানিব পৰা মতে, যোৰহাটত সংঘটিত হোৱা হত্যাকাণ্ডৰ সৈতে জড়িত থকা বিদ্যাসাগৰ ৰবিদাস নামৰ কয়দীজন যোৱা ১৫ ডিচেম্বৰৰ পৰা বাৰ্ধক্যজনিত কাৰণত গোলাঘাটৰ ছহিদ কুশল কোঁৱৰ অসামৰিক চিকিৎসালয়ত চিকিৎসাধীন হৈ আছিল যদিও আজি চিকিৎসালয়খনৰ বাথৰুমত ব্যক্তিজনৰ মৃতদেহ উদ্ধাৰ হয় ।

অৱশ্যে চিকিৎসকে লোকজন উচ্চ ৰক্তচাপজনিত কাৰণতে মৃত্যু হোৱাৰ সন্দেহ কৰিছে । অৱশ্যে পৰিয়ালৰ লোকে মৃত ব্যক্তিজন কোনো ৰোগত আক্ৰান্ত নোহোৱা বুলি কৈ এয়া এক পৰিকল্পিত হত্যাকাণ্ড বুলি অভিযোগ আনিছে । সেই সন্দৰ্ভত আৰক্ষীয়ে তদন্ত আৰম্ভ কৰিছে ।