বৰপেটাৰোড মাৰোৱাৰী যুৱ মঞ্চৰ আদৰণীয় পদক্ষেপ : শীতাৰ্তক গৰম কাপোৰ বিতৰণ

বৰপেটাৰোডৰ পৰা ৰনজিৎ তালুকদাৰ

গৰম কাপোৰৰ অভাৱত শীতৰ সৈতে যুঁজি থকা লোকসকলক সহায়ৰ অৰ্থে মাৰোৱাৰী যুৱ মঞ্চৰ বৰপেটাৰোড শাখাই 'ৰাহত' (সকাহ) শীৰ্ষক এটি শীতকালীন অভিযান আৰম্ভ কৰিছে ৷

এই অভিযানৰ জৰিয়তে সংস্থাটোৰ উদ্যোগত নিশা ৮ বজাৰ পৰা ১০ বজালৈ বৰপেটাৰোড তথা আশেপাশে থকা দুখীয়া ল'ৰা-ছোৱালী, বৃদ্ধ আৰু ঠাণ্ডাত ভুগি থকা লোকক গৰম কাপোৰ, কম্বল, জেকেট, চুৱেটাৰ আদি বিতৰণ কৰা হয় ৷

উল্লেখ্য যে বিগত তিনি বছৰ ধৰি চলাই অহা এই কাৰ্যসূচী এইবাৰ ১৭ ডিচেম্বৰত আৰম্ভ কৰা হৈছে আৰু নতুন বছৰৰ ১৫ জানুৱাৰীলৈ চলিব ৷ সেয়েহে নিশা ৮ বজাৰ পৰা ১০ বজালৈকে দুখীয়া ল'ৰা-ছোৱালী আৰু বৃদ্ধ লোকক ঠাণ্ডাত ভুগি থকা অৱস্থাত দেখিলে নিম্নলিখিত মোবাইল নম্বৰত যোগাযোগ কৰাৰ বাবে অনুৰোধ জনাইছে মাৰোৱাৰী যুৱ মঞ্চৰ বৰপেটাৰোড শাখাৰ বিষয়ববীয়াসকলে । 

যোগাযোগ নম্বৰঃ ৯৪৩৫০ ০০৪৯৭, ৯৪৩৫১ ২৩২৬২, ৯৪০১১ ৭৩৮১২ ৷