শ্ৰী সত্য সাই বিদ্যা বিহাৰ বিদ্যালয়ৰ ৰূপালী জয়ন্তীৰ ব্যাপক প্ৰস্তুতি

গোলাঘাটৰ পৰা মীনাক্ষী ফুকন

গোলাঘাটৰ অগ্ৰণী শিক্ষানুষ্ঠান শ্ৰী সত্য সাই বিদ্যা বিহাৰ হাইস্কুলে ২৫ বছৰত ভৰি দিয়া উপলক্ষে ৰূপালী জয়ন্তী বৰ্ষ উদ্‌যাপনৰ ব্যাপক প্ৰস্তুতি চলিছে । অহা ২৪ আৰু ২৫ ডিচেম্বৰত দুদিনীয়া কাৰ্যসূচীৰে পালন কৰিবলৈ ইতিমধ্যে বিদ্যালয় পৰিচালনা সমিতিয়ে এখন উদ্‌যাপন সমিতি গঠন কৰাৰ লগতে কেইবাখনো উপ-সমিতি গঠন কৰি আগন্তুক দুটি দিন শৃংখলাবদ্ধভাৱে পৰিচালনা কৰিবলৈ প্ৰস্তুতি প্ৰায় সম্পূৰ্ণ কৰি তুলিছে ।

মুখ্য আয়োজক সমিতিখনত উপদেষ্টা বিশিষ্ট লেখক হীৰেণ গগৈ, দিপ্তী গোস্বামী, বীৰেণ শৰ্মাৰ লগতে সভাপতিৰূপে সত্যন শৰ্মা, কাৰ্যকৰী সভাপতি অপূৰ্ব বৰগোঁহাই, যুটীয়া সম্পাদক শুভাশিস ৰাজখোৱা, বিপুল ৰাজকুমাৰ, সহঃ সম্পাদক সুব্ৰত কোঁৱৰ, অৰ্চনা বৰা গোঁহাই, দিপ্তী গোস্বামী, কোষাধ্যক্ষ ৰূপাঞ্জল বৰা, ভাস্কৰ বৰা, কাৰ্যালয় আদৰণি সমিতিৰ আহ্বায়ক গিৰিধৰ ফুকনকে আদি কৰি বিশিষ্ট ব্যক্তিৰে কেইবাখনো উদ্‌যাপন সমিতি গঠন কৰিছে ।

বিদ্যালয়খনিত অনুষ্ঠিত হ'বলগীয়া এই দুয়োটা দিন সাফল্যমণ্ডিত কৰি তুলিবলৈ আয়োজক সমিতিয়ে গোলাঘাটৰ সকলো ৰাইজৰ দিহা-পৰামৰ্শ তথা উপস্থিতি একান্ত কামনা কৰিছে ।