কচুৱা বহুমুখী উচ্চ মাধ্যমিক বিদ্যালয়লৈ চি আৰ পি এফৰ দুটা কম্পিউটাৰ প্ৰদান  

ধলপুৰৰ পৰা বিশ্ব প্ৰসাদ বৰা 
চি আৰ পি এফে কচুৱা বহুমুখী উচ্চ মাধ্যমিক বিদ্যালয়লৈ ছাত্ৰ-ছাত্ৰীৰ সুবিধাৰ্থে দুটা কম্পিউটাৰ প্ৰদান কৰে ৷ চিআৰপিএফে বিগত দুই-তিনি দিন ধৰি এই বিদ্যালয়ৰ চৌপাশ সুন্দৰভাৱে সজাই-পৰাই তোলাৰ লগতে শান্তিপূৰ্ণ পৰিৱেশৰ বাবে নিশা ভাগতো তহলদাৰী কৰে ৷ সেনানায়কগৰাকীক বিদ্যালয়ৰ ছাত্ৰ-ছাত্ৰীসকলে আদৰণি জনাই ৷ শিক্ষক শিক্ষয়িত্ৰী সকলে ফুলাম গামোচা আৰু জাপিৰে সৈতে সম্বৰ্ধনা জনায় ৷ উক্ত সভাখনত বিদ্যালয়ৰ শিক্ষকে ভুপেন্দ্ৰ সংগীত গোৱাৰ লগতে ছাত্ৰীসকলেও বিহু নিত্য প্ৰদৰ্শন কৰে ৷