আৰক্ষী বিভাগত চাকৰিৰ প্ৰলোভন : নগাঁও আৰক্ষীৰ জালত প্ৰৱঞ্চক যুৱক

নগাঁৱৰ পৰা ৱাহিদুদ জামান

বহি:ৰাষ্ট্ৰৰ কোম্পানীসমূহত চাকৰি দিয়াৰ প্ৰলোভনেৰে কে'বা লক্ষাধিক টকা সংগ্ৰহ কৰা এজন যুৱকক মঙলবাৰে নগাঁও আৰক্ষীয়ে গ্ৰেপ্তাৰ কৰা ঘটনাৰ চাঞ্চল্য মাৰ নৌযাওঁতেই আজি আৰক্ষী বিভাগত চাকৰি দিয়াৰ প্ৰলোভনেৰে বুজন পৰিমাণৰ ধন সংগ্ৰহ কৰাৰ অপৰাধত আন এজন যুৱক নগাঁও আৰক্ষীৰ জালত পৰিছে ।

আৰক্ষীৰ উপ-পৰিদৰ্শক পদত লিখিত পৰীক্ষাত উত্তীৰ্ণ কৰাই দিয়াৰ নামত এই ধন সংগ্ৰহ কৰিছিল । এই সন্দৰ্ভত সন্দীপন হাজৰিকা নামৰ এজন ভুক্তভোগী যুৱকে নগাঁৱৰ ইটাচালি আৰক্ষী চকীত দিয়া অভিযোগৰ ভিত্তিত তদন্ত চলাই আৰক্ষীয়ে গ্ৰেপ্তাৰ কৰে প্ৰবঞ্চক যুৱকজনক ।

ধৃত যুৱকজন হ'ল নগাঁও চহৰৰ আমোলাপট্টিৰ শৰৎ ৰয় । তেওঁক সম্প্ৰতি আৰক্ষীয়ে জেৰা অব্যাহত ৰাখিছে ।