বিশ্ব মহিলা বক্সিঙত ব্ৰঞ্জ জয় অসমৰ লাভলীনাৰ

অসমৰ ক্ৰীড়া ক্ষেত্ৰলৈ আন এক সুখবৰ ৷ নতুন দিল্লীত চলি থকা বিশ্ব মহিলা বক্সিং চেম্পিয়নশ্বিপত ব্ৰঞ্জ জয় কৰিবলৈ সক্ষম হৈছে অসমৰ বক্সাৰ লাভলীনা বৰগোঁহায়ে ৷

উল্লেখ্য যে প্ৰতিযোগিতাখনৰ ৬৯ কিলোগ্ৰাম শাখাত আৰম্ভণিৰে পৰা আত্মবিশ্বাসেৰে অৱতীৰ্ণ হোৱা লাভলীনাই বৃহস্পতিবাৰে দ্বিতীয়খন ছেমি ফাইনেলত চীনা টাইপেৰ চেন নিয়েন চিৰ বিপক্ষে অৱতীৰ্ণ হৈছিল ৷

ফাইনেলত প্ৰৱেশৰ প্ৰচুৰ সম্ভাৱনীয়তা লৈ অৱতীৰ্ণ হোৱা লাভলীনাই দৰ্শনীয় প্ৰদৰ্শন কৰিও শেষ মুহূৰ্তত অভি়ঞ্জ নিয়েন চিৰ হাতত পৰাজিত হ'বলগা হয় ৷ ফাইনেলত প্ৰৱেশত ব্যৰ্থ হ'লেও লাভলীনাৰ এই সাফল্যত উৎফুল্লিত হৈ পৰিছে ৰাজ্যবাসী ৷