শিৱসাগৰৰ ডিমৌ চাৰিআলিত গ্ৰেণেড বিস্ফোৰণ : নিহত ১, আহত ২

শিৱসাগৰৰ ডিমৌ চাৰিআলিত গ্ৰেণেড বিস্ফোৰণ ৷ ব্যৱসায়ী কমল আগৰৱালাৰ ব্যৱসায়িক প্ৰতিষ্ঠানত এই ঘটনা ৷ বিস্ফোৰণত এজন লোক নিহত হোৱা বুলি জানিব পৰা গৈছে ৷ আনহাতে, ব্যৱসায়ী কমল আগৰৱালা আহত হোৱাৰ লগতে এজন কৰ্মচাৰীৰ হাত এখন ছিঙি যোৱা বুলি জানিব পৰা গৈছে ৷ সন্দেহযুক্ত আলফা সদস্যই এই বিস্ফোৰণ ঘটোৱা বুলি সন্দেহ ৷ উল্লেখ্য যে আলফাই ধনদাবী কৰিছিল ব্যৱসায়ীজনক ৷ পূৰ্বতেও এনেদৰে ধনদাবী কৰা বুলি জনা গৈছে ৷ অৱশ্যে কিছু লোকে এই ঘটনা দোকানত থকা ইনভাৰ্টাৰৰ বেটাৰী বিস্ফোৰণ বুলিহে উল্লেখ কৰে ৷ ইতিমধ্যে আৰক্ষী ঘটনাস্থলীত উপস্থিত হৈ তদন্ত প্ৰক্ৰিয়া আৰম্ভ কৰিছে ৷