চীন-ভাৰত প্ৰদৰ্শনী ফুটবল খেল

ফিফাৰ ৰেংকত ভাৰতীয় ফুটবলৰ স্থান ৯৭তম৷ ভাৰতীয় ফুটবল দলে এছিয়ান গে’মছত ভাগ ল’ব পাৰেনে নোৱাৰে, এতিয়াও অস্পষ্ট৷ শেষ চেষ্টা অৱশ্যে চলাইছে ভাৰতীয় ফুটবল ফেডাৰেচনে৷ সুনীল ছেত্ৰীক লৈ সকলো আশাবাদী৷ মু্ম্বাইত হোৱা ইণ্টাৰ কণ্টিনেন্টেল কাপত ভাৰতে জয়লাভ কৰাৰ পিছত ভাৰতৰ সাহস বাঢ়িছে৷ ভাৰতীয় দলৰ অধিনায়ক সুনীল ছেত্ৰীয়ে ইতিমধ্যে ১০০খন প্ৰতিযোগিতা সম্পূৰ্ণ কৰিছে৷

ভাৰতীয় ফুটবলৰ বাবে অন্য এক ভাল খবৰ৷ চীনৰ জাতীয় ফুটবল দলৰ লগত ভাৰতে প্ৰদৰ্শনী খেল খেলিব৷ ফিফা ৰেংকত চীনৰ স্থান ৭৫তম৷ ৮ৰ পৰা ১৬ অক্টোবৰৰ ভিতৰতে এই খেল অনুষ্ঠিত হোৱাৰ সম্ভাৱনা৷ ১৩ অক্টোৱৰত ভাৰতৰ খেলাৰ ইচ্ছা৷ বৰ্তমানলৈ চীনৰ বিৰুদ্ধে ভাৰতে ১৭বাৰ মুখামুখি হৈছে৷ সকেলা কেইখন খেল অৱশ্যে ভাৰতৰ মাটিত হৈছিল৷ ১৯৯৭ চনৰ নেহৰু কাপত শেষবাৰৰ বাবে মুখামুখী হৈছিল ভাৰত-চীন৷ অহা বছৰৰ জানুৱাৰীত ডুৱাইত এছিয়ান কাপ আৰম্ভ হ’ব৷